NHE ibata kucinca tekisano yamandu kapuluko yasicaba

0
22

John Muyamba

Rundu – Kiha feela sicaba hasika bulukisa mali amañata kutusa NHE, kihona katengo kakabona zamandu kakaluwilwe kimuuso hakaka kona kufa mandu acipile kwa sicaba. “Haiba sicaba sibulukisa mali amañata, hala kutusa NHE kakulufa mali, teko yamandu ikakuta fafasi,” nekubulezi sibuabui wa katengo wa NHE Eric Libongani, kanako yanapotezi sibaka samayahelo amandu a 123 mwa Rundu. Kanako yacwale NHE ina nibatu babalitezi mandu famukolo wateñi babalika likiti zemashumi alobañwi (90 000).

“Bakeñisa kuli mandu kanako yacwale satokwahala hahulu, bayahi bakwamukunda sebangela fateñi sibaka kakuli kitekisano yamahala. Kuli sicaba sibulukele hahulu hala mandu teko niyona ikakuta fafasi, mi haluna kutokwa taba yesweli kulumwalumwa yakuli luzamaise liteko zakuina mwamandu abatu,” nabulezi. Sekuli tata hahulu kule ndu mwa Namibia kakuli teko yamandu mwa Namibia kilitolo zemaswe kwabayahi banaha. Sihulu hala ‘bao baba amuhela lituwelo zenyinyani, kuina mwamandu abatu kakulifa mali nikona kwatula, mi buñata sebaitomela feela limbashu kuli baine nimabasi abona.

Libongani uli haiba naha Namibia itukufalezwi kutisa cinceho hala kutisa mandu akonwa kulekwa kisicaba, muuso uswanezi kubuluka mali amañata kwakatengo kakabona zamandu mwanaha, mi kakueza cwalo mandu amañata akonwa kulekiwa kisicaba aka yahiwa, ili taba yekatisa kulikanelela mwatekisano yamandu, mi kwamafelo mandu kaufela aka konwa kulekwa mi masheleñi akulifela maino aka kutela fafasi.

LEAVE A REPLY

Please enter your comment!
Please enter your name here