OvaÞuta ovazoozu vayandja omitjemo ko Ministera yOtjimariva, Ombaanga yOtutumbo

0
47

Kuzeeko Tjitemisa

Otjomuise-OvaÞuta ape esere ovazoozu vomahi wapeke mbumakuzu venozondjo zOmbaanga ÞyOtutumbo nOvikunwa azehe kumwe Ozondola za Namibia omangete 250 Oritjavari vakawondjere momivanda vya Tjomuise okuyenda ko Ministeri yOtjimariva kuvakayandjere orutuu romitjemo koministera Calle Schlettwein.

Otjimbumba ihi kehi yaingwi ngwari omutjangerepo omukarerere wo Ministeri yOzongoporo nOviyakise, Kahijoro Kahuure, eye nambano nguri iumwe wovaÞuta imba, tjingetjo wina vayandjero orutuu romitjemo indwi kotjiuru tjOmbaanga yOtutumbo nOvikunwa, Sakaria Nghikembua. Rutenga ovatuta imba mbakamburwa iyomburuma yokutja mavepandjara ozofarama zao vakahakaena notjiuru tjehi Hage Geingoba okuvevatera kutja ozofarama zao azehakamburwa iyOmbaanga yOtutumbo nOvikunwa nungwari Geingiba evehindi ku Schlettwein.

Ombaanga yOtutumbo nOvikunwa ombura ndjazuko yautire norukosi rokuwondja ozondjo zayo ovatuta imba mbizenazo. Munao opuyakutira ozonganda ozowonge yozondjo inÿa o Red Force Debt Management no United Africa Group (UAG) okuwonga otjimariva tjitjasewa kombunda. Moru romitjemo rwao, ovatuta mavetja “ngunda atwahitisiwa oruhingo iyongaro yomakamburiroro wehi retu momyano peke vyovahuure nomatjindiro omahazendu wovakuru vetu iyOvandoitji novanambangu va South Africa mena rehi rao”, Ombaanga yOtutumbo nOvikunwa maiso okuzemburuka ousemba wawo otjovavaterwa iyo kutja munao iyenene okuhungirira kwimbi ovyongendo kuwo otjotjimbumba opo otja tjivaningira rukuru nu otjimaveyaruka po okuningira nao rukwao.

“Ombaanga maisokuuta otjiungura tjokuhungira kuna kangamwa omututa omunangendo tjimanga kombunda yokuhakaena kunotjimbumba okuzuvasana komamwano woupore kutja ozondjo zao mazerundururwa vi,” Kahijoro matja tjarese orutuu romitjemo. Omweze mbwazuko Nghikembua watja uri kamwaha okuhungira kunawo posya ovaÞuta mavetja katjiperi. Mavetja ozonÿuvasaneno kunozonganda ozowonge zozondjo mazeso okuzemiisiwa tjimanga novatuta vomana wao ngayandjwa konganda ohwe yeni komana wovanazondjo mayeso okukohororwa tjimanga nombaanga maiso okuuta notjiungura tjokuhungira kunomuÞuta auhe wongendo nombaanga wina novatuta pamwe maveso okuhungama ohoromende okuyarukira omayazemeno wotjimariva kehi yOtjiungura tjOmukambo wOmayazemeno Omayeure (Affirmative Action Loan Scheme, AALS,) kutja otjo tjiririre otjikakarere notjinambatero komeritiakaneno wohoromende okutungurura ehi.

Orutuu romitjemo indwi maruningire omikambo imbi nourizemburuka wovaÞuta kokutja otjiungura tjohoromende tjondungururiro wehi otjo tjitjatwapo Otjiungura tjOmukambo wOmayazemeno Omayeure itjimwe tjomihunga ongunde ovyohoromende okuyeta ondungururiro nomaha¿unino wehi. Tjingetjo ovatuta vapewa omasa iyombinÿu yovakuru vao ndjatjononoka movita peke peke mbivakara navyo pamwe poo peke peke kunovahuure vOvandoijtii tjazumba kunovanambangu va South Africa okukotora ehi noundu wawo. Owo vakurungisiwa mominyo, aveihamisiwa navepandjarisiwa ombango nongamburiro iyomapandero wovatumbure vOmbaanga yOtutumbo nOvikunwa nounane wayo okuhakaena nawo otjotjimbumba tjitjiri zozongaro ndasana poo zemwe.

LEAVE A REPLY

Please enter your comment!
Please enter your name here