Ndokotora gokulikumbagera kavadimuhatere moSwakomund

0
44

Eveline De Klerk

Walvisbay-Vaporosi momukunda gwaErongo kavadihamatere mugara gonomvhura 32, ogu gakara asi age kugava nombapira doyimpepa kovantu vana kulinumbagera asi kuna kuvera vapire kuza koyirugana modoropa zaSwakopmund.
Mugara ogu kuna kumoneka asi kwakara mpngesefa zina kwata moyitji, ntani kuna gusa siruwo mokuyirugana eyi modoropa zina, omu age agava nombapira dina kulikida komuntu asi tavere kapi nawiza koyirugana unene age gadigava kovarugani wokonomina ntani konohotera. Elikwamo lyendi eli lyahana asi paveta kuna wizirepo paapa vagavi yirugana ntani nokampani dimwe kwayayimona asi varugani vado vamwe kwavapa mapwizumuko aga siruwo sosire.

Mugazarerwa ogu nakamoneka nayina kompanguro kwamagastrata moASwakopmund, omu yina mutamba widi ndi kulikumbagera age ngapura nkenye ogu ana muwizire apamupe mbapira yimaliva yokusika koN$300 kumwe nokumupa mbapira ozo. Apa nye kavayigeve eyi kovanambudi mosondaha, kuhamena ukorokotji ou, komisaregona Erastus Iikuyu katente asi mugazarerwa kwavaka nombapira edi dovandokotora vatatu wokulikarera makura kutunda opo aga kugava nye nombapira odo kwavavanadihepa ndi vana kuvera kukwama mwendi. Kapi nye yinadivikwa asi mwene ogu kugava tupu nombapira dokupwizumuka pokaruwogona ndi nage walye kulikisaukira nage ahakure vaveli. Vaporosi simpe ngesi kuna kukonakona vagwane asi yimaliva yingapi gapongayika melikwamo eli lyokugava nombapira dahana asi usili. Mugazarerwa kavamugwene simpe age kna kara noyipambira yina avatjangere vavali nomutji morukanda rwaMondesa. Ose simpe kuna kupapara vantu asi vangapi gatjangera ntani twahepa nawo kuvagwana. Yimo ana kutanta ngoso Iikuyu. Iikuyu kahundilire ava vagwana nombapira edi doyimpempa vawize usimbu pangenderera kosasiyona zovaporosi. Vayagwane spekutora gona Rosa Tjiivero ndi vamugwane kofunguna zendi  0813137105/0812766844 mokugwana mapukururo.

LEAVE A REPLY

Please enter your comment!
Please enter your name here