Ovaihamasiwa vOtjiÞro Otjindjandja vasere okurihungirira oveni

0
52

Kae MaÞunÿu-Tjiparuro

Otjomuise-Vetatu vovahuingire movahungire vane potjihungiriro tjOtjiÞiro Otjindjandja vai kumwe kutja imba mbaihamisiwa iyotjiÞiro itjo ombu mavetjiwa omwiihamo wawo nu munao otjivasere okurihungirirapo oveni.
Onganda yomahongero wokombanda ya Namibia, ousupi o Unama, Oritjatatu yasekirisire otjihungiro ohunga nOtjiÞiro Otjindjandja puyanangere ozonongo peke ine Ombara Otjitami yOvaherero, Vekuii Rukoro, Onongo Henning Melber, ondekurona yOtjitiro Otjindjandja yOvakwena, Sima Luipert nonongo Fanuel Kaapama. Otjihungiriro ihi tjakayendisirwe iyOnongo John Nakuta wonganda indji neye nguri omupyuke mokutja omahongero wokombanda poo ouhongwa ukare nuutare netweho kondumbo mbwa youndu.

Otjihungiriro ihi tjananene ovandu ovengi okuza mongabda indji oini mumuna ozomitiri zayo okuza kotupa peke peke, tjimuna onongo nombuke momahongero ngatuwa pehi Andre du Pisani nawina omutanda ohorooze movyomitanda nondumbo yotjiwana, Job Amupanda, ngutjuukirwa kongondjero yokutja kangamwa auhe mo Nambia makare nopona pumatwotjiuru, okutja ehi pumatungu omututu we. Otjihungiriro ihi tjari ongondoroka nokutja komayandero wombura indji o 2015 ozohoromende za Namibia nehi rOvandoitji zakutasana ohunga omakuruhungi wOtjiÞiro Otjindjandja tjo 1904-1908 nokutja mazetjizire mukee munda nu tjinene mokutja tjii hapo imba mbaihamisiwe itjo momutjinononga hapo Veripi kutja veyenene okukururamenwapo pupayenene oro nai ndiri epu ndipaÞansanisiwa tjinene.

Okupaturura nokuserura ondjira yotjihungiriro ihi, Nakuta waÞanderere ke Artikeri 21 rOngunÿeveta ya Namibia ohunga nomausemba wombutiro momausemba warwe peke peke mumuna kutja omundu auhe makara nousemba wokurihungirira nokuritwapo muwo wina mumuna ousemba wozonganda zozokurande nozombuze; ousemba wourizemburuka, wouripura nongamburiro muwo mumuna ousemba wozonganda zokombanda zomerihongero. Munao otjaraisa kutja motjihunguriro ihi otjimakawondja nokuhina okuritira, ondira poo ongarera natwo ombara otjitambi yOvaherero kembo. Eye waraisa ombara otjitambi otjomupikasane ohongora motjihungiriro tjOtjiÞiro Otjindjandja nai tjitjiripo posya ombara oini aimuÞunu kutja ngunda indji ondando uriri ndjihiyayenisiwa. Omokutja nai eye novakwao mbekayenda pamwe kaveri motjihungiriro ihi vapaterwa pendje iyozohoromende azeembari inÿa ya Namibia noyehi rOvandoitji. Munao ngunda eye otjeri ohorooze yotjirwa tjokutja imba mbaihamisiwa verihungirirepo oveni, nondando indji tjiyayenenisiwa eye otjimarire ohorooze yotjihungiriro kunohoromende yehi rOvandoitji. Matja owo vapaterwa pendje kehi yomapengero wombepo ndjayakurwa mOmbongarero yOtjiwaṋa ohunga nOtjiÞiro Otjindjandja mo 2006 ndjiri ongahuke kokutja imba mbaihamwa vasere okurihungirira po oveni. Epu indi okutja ovahungire varwe okuvarondere pendje na Kaapama ngwaraisire kokutja otjihungiriro tjitjiripo nai nai owo wina otjivaihamisiwa vamuna kutja okamuvero kukapaturura ohoromende kovaihamisiwa verire orupa notjihungiriro ihi kavena okukepatisisa nugwari mavekekambura nomake ayeevari otja tjivapukata nai kutja ndinondi verire orupa notjihungiro tjitjiripo nai pokati kozohoromende azeembari inÿa.

Posya Rukoro maraise kutja nandarire kutja ombepo yOtjitiro Otjindjandja ohoromende ya Namibia kuyiungurira nai yapitira mOmbongarero yOtjiwa¿a yjiyatuwa kotjiriro iyombarra otjitambi omuyaruke Kuaima Riruako, ohoromende kundinondi yahuurisa ombepo indji. Yeihuurisa mokutja imba mbasere okurira ondimwa yotjiposa ihi, mberi ovaihamisiwa kundinondi karupa rotjihungiriro pkati kohoromende ya Namibia noyehi rOvandoitji. Matja eye nozombara ozongwa zombazu kapuna indi vanangwa kotjihungiriro ihi ndoovazu vasere okunangwa otjoveni votjiposa. Omanangere ngeere yere ku Festus Muundjua otjomuÞize wOkomiti yOtjitiro Otjindjandja tjOvaherero nOvambanderu.
Kaapama matja owo otjovaihamisiwa vehaama motjihungiriro ihi otjovatie kukuheri okupuratena uriri poo okuhaama kongotwe nu ndoovazu eyuva rimwe vena tjivanyengwa poo tjivehina okuhitasana omuvero kuwo uri kamwaha okurinanununa. Melba matja eye otjonongo ouzeu okuyenena mozongaku zovahamisiwa numunao ovahaimisiwa ombu mavetjiwa omwiina wawo notjivasere ookuuyavara oveni. Ozonongo tjivasere okuyandja oruyameto uriri otja koupupurukwe wotjitamba tjawo tjounongo.

Oo imba nambena ombongarero yari norunywaa tjinene ohunga na Kaapama ngwaahavanga okwiisana Rukoro otjombara. Ihi tjayetere omaunaunino mokati kovapuratene mbaa vemunika ayo ovakongorere va Rukoro. Kombunda yovahungire vane otjiawana tjaperwe oruveze okupura omapuririor omengi ngahungamene na Kaapama. Movapure mwari Job Amupanda ngwavanga okuzuva kovahungire aveine kokutja hapo ovo vena ozongee ndando zokutjita kokutja omitanda wina vihare ombango motjiposa tjOtjiÞiro Otjindjandja kutja ndinondi outi wambeto tjiwai kohurututu otjiposa atjihayanda punawo. Wina umwe wovapuratene wavanga okuzuva kokutja pendje nOvaherero nOvakwena penomihoko vyarwe wina mbyaihamwa nu tjii hapo maveririsiwa rune orupa rOtjiÞiro Otjindjandja. Rukoro matja mongondjero yotjiporotika mapeyeneye posya moveta mapekurungisa otjiposa tjinga era arahungamene omihoko vivari imbi uriri.

LEAVE A REPLY

Please enter your comment!
Please enter your name here