Sipangero sokomuzogo tavakasidikira moOndangwa

0
54

NUUSITA Ashipala

Ongwediva-Presidente Hage G. Geingob kageve matokoro kwaministera goukanguki Bernard Haufiku asi gahepa kusikisamo etokoro lyokabinete eli lyakarapo mokutara noveta nomalikwamo nagenye (CCOPP)etokoro kuna kara asi sipangero sosinene vahepa kukasidikira moOndangwa. Sipangero sosinene esi vagusa kuuyunga nare ngesi kuna kukasidikira nye moOndangwa yipo sivatere nye nomukunda edi dokomuzogo ntanzimwe, dina kara asi Oshana, Oshikoto, Ohangwena, Omusati , Kunene ntani ruha rumwe rwaKavango zoutokero. Mbapira ezi zina kara vanatjanga momazuva 9 February, Geingob, katente asi kapi ana kuyidiva asi yinke yinakukwatera siruwo neyi ana karere ministera asi sipangero esi vahepa kusidikira moOndangwa ano kabinete azo nare zatokora asi vahepa kusidikira moOngediva.” Kamarada Ministera, moomu tupu ono kara asi ono yidiva, epangero kupitira moCCOPP nare vaturapo etokoro paupolitika asi sipangero sosinene esi vahepa kusidikira moOndangwa, ndi asi mevango lyoolyo pepi napo yipo tukulike evango olyo. Mbapira zangesi simpe kavazitumine hena  kwanguuru gomukunda Oshana Clemens Kashuupulwa. Kugusako tupu CCOPP, nompitisili domomukunda Oshana mvhura zina puko nawo vatulire etokoro asi sipangero esi vahepa kusidikira moOndanga eyi yina kara asi nomutangu nye dina karapo asi ngano kupi navatungira sipangero esi. Ministera  kavamundindilire sivike kasipwire ngano akauyuyngise vantu nye sigongi sangoso kapi kasikereko. Mbapira ezi kavatumine kwa Kashuupulwa, vatjenge mezuva lyokuhulilira lyaJanuary, kwatentemo asi Haufiku kuna kuwiza kumwe nosigendo sakutunda komberewa zonene  vayatare evango eli vadidilika varugani yatumbukira woministeli zoyirugana ntani nezi zoukanguki. Awo kwagwana evango moOndangwa, eyi yakaguma dogoro moOngwediva. Ministera katente asi vantu vahepa kutara asi evango eli vana kutararurura lyahepa kukara enene kupitakana sipangero sepangero sakara moKatutura, MoVenduka. Yipo asi sipangero esi vahepa kusigazara nokusitunga momuwa nomutaro yipo asi natuvenye tuna pumbwa kulipa magano kumwe novadivi mauyere nagenye. Moyirugana nayinye oyo yipo nye asi twahepa kuyatara asi yimaliva yingapi tuna kuruganesa kosipangero esi. Yimo ana kutanta Haufiku. Mukuron godoropa zaOndangwa Pavoo Amwele, kahefe unene pokuzuvha mbudi ezi nokutanta asi eyi twakondjera kapi yina zi momema. Ose tuna hafa morwa etungo eli lyosipangero nalireta ekuliko modoropa zetu, ntani kuretesapo yirugana. Sipangero simpe kuna kara nye yimwe eyi atututmbura asi reteni ukanguki pepi novantu, yimo ana kutanta Amwele. Ondangwa siruwo esi tuna kuuyunga kwato sipngero, nye sipangero gona zazonauka sina pumbwa kusiwapayika  nye ministeli kwahagekesa egano lyokusiwapukurura morwa yeeyi asi pana kara egano lyokukatunga sipangero sosinene.

LEAVE A REPLY

Please enter your comment!
Please enter your name here