Otjombanguriro tjanakaura otjiposa tjou¿epo 4 wo Swapo ya Maheke

0
54

Maria Amakali

Otjomuise-Maria Owases, Nora Gores, Frieda Shimakeleni, Justine Bernardt, Nono Katjingisiua, Festus Ueitele, Gideon Kavari, Raphael Kavari, Aron Marenga an Asaria TjingaeÞe oovakuramenepo vOrukondua rwa Maheke nai mbaahama mombongarero onene yo Swapo ya Namibia oitja hamboumwe ndjautire muno erero.

Ou¿epo une wo Swapo ya Maheke oo Kejamuina Mungendje, Maleagi Ndisiro, Frans Murangi na Progarius Muriambihu mbeheri morutuu rovahindua kombongarero indi vavazere kotjombanguriro kutja nohakahana tjitjayere ongooneya ya Maheke, Festus Ueitele, Kilus Nguvauva navarwe o 27 movazire o 81 mbazirire keningira kutja ovahindua vetjayerwe okukara pombongarero indji.

Otjombanguriro matjiyandja omapu woumune watjo motjiposa ihi tjiyeri 28 ku Seninarindi ombura ndjimaiyende. Ovaningire vavangere kutja omatoorore wovahindua kombongarero wa Mongua, Kalahari, Okorukambe, Otjinene nowombongarero yorukondwa rwa Maheke yezemisiwe. Otja koruyano rovanignire aveine imba kotjombanguriro, marutja otjiungura tjomatoororero wovahindwa kombongarero onene kanaa tjakayenda momazeva muyasere okukandjisiwa. Mungendje novakwao varaisire kutja ovo kanaaa veriyandjere okuyekukuramenwapo pombongarero onene yo Swapo iyovahindwa mbatoororwa pendje nomazeva motjiungura tjomatoororero tjitjina ozohaviho.

Posya Ueitele, novakwao ovazirerire kotjiposa ihi o 80, vapirura omune imbwi amavetja imbovane imba ovandu mbenomwiihamwatima mokutja kanaa vamuna oruvara mou¿epo wotjira momatoororero omayarukirwa pozombongarero ndahaamisiwa morukondwa rwa Maheke komrungu womautiro wombomgarero onene yo Swapo nai ndjaahama mOtjomuise. “Ovatjite vomaningiriro kavena kupaha ousemba wokukara pombongarero onene. Nungwari tjimavepaha okutjayera varwe okukara pombongarero onene,” ovazirire keningira kotjombanguriro mavetja.

Ombongarero onene yo Swapo ondjiri orutu rozondiero rokombanda rwo Swapo ndjihaama kombunda yozombura azehe ndano. Tjiyahaama okutja otjiuru tjotjira, wokehi yo tjiuru tjotjira nomutjangerepo wokombanda nowokehi ye otjivetoororwa. KOmurungu ombomngarero onene indji inomasa wokuyenda omarundururiro ku kaina yozoveta yotjira.
Ovazire vakuramenwepo I Norma Tjombe, Gerson Narib, Vas Soni na James Dierdericks. Ovaningire vakuranenwepo I Tuhafeni Muhongo na Kadhila Amoomo.

LEAVE A REPLY

Please enter your comment!
Please enter your name here