“Ouyara noupamwe moya Tjimana”

0
26

Kae MaÞunÿu-Tjiparuro

Otjomuise-Omayuva womasuviro inga omatamberero wonganda ya Karambi omukwatjiti mayetjiti ozombura o 50 kehi yembo ehongonekwa ndimaritja “ouyara noupamwe moya Tjimana” nozondjira ozengi otjimazehungama Omauezonjanda.

Tjimwe otjinanammbango tjitjatjama nombazu omayuva womasuviro inga otjimbumba tjo Mbimbi tjiri mOmauezonjanda. Otjimbumba ihi katjinohuhepa okutjiukisiwa tjinga otjo otjini novitjitwa vyatjo mbiri ombimbi, omuhiva noutjina. Omundu konokuhepa okuyenda kokure pendje nopokomando otjo omayuva inga putjitokerwa nokukara amatjiyorokisa ovimbumba. Nganda mu Ndenga¿i atjikarira tja Lephalela morukondua rwa Limpopo mo South Africa pomazemburukiro wozombura 110 zomavazero wOmbara Otjitambi yOvaherero, Samuel Maharero, mo 1904 tjahuka ondjembo ya Katjivitjouanga.

Ombimbi ina oozombunde novatone va katjoruhoga nai oruveze indwi mberi ovandu mbatiza emunine romuhiva noutjina, nu munao ombazu ya kOuherero na kOumbanderu, mberi Rihungira wa Kandjeo na Kuruha wa Nganjone na Raseuatjo Viakondo nu munda woutjina mumuna oo Kavesutu Katjipi, Karombo “Something” Upingasana na Kavesutu Katjipi, Karombo “Something” Upingasana na Kaukurupa Handura Tjitavi. Muhuka okuza mozomhamboumwe zomapeta tjandje omusema mOmauezonjanda wazire ongongo iri momuheke womuramba womakungu omaserandu ozombunde novatone tjimakambura omuvanda wonganda ya Karambi ya Mutunda.

Tjandje nao okuza mozoine zomapeta ozongoro zeriserere momuvanda nozotrupa zauhara kovitonge zeripata. Ongurova ya muhuka tjingetjo maperaisiwa onÿengura ohunga nOtjiÞiro Otjindjandja nu tjingetjo tjandje wina outjina nomuhina waharere oruuma rwatwima indi arwatwiminwe.

Osondaha maritji noombimbi nondoro okuza mohamboumwe yomuhukomunene numohinga yohambombari apekongorere oukambe novimbumba nozotrupa azeutu okuworongana pokomando nokuritwa motuveze nu kuwo akukongorere ozonduna noo=zombara nu tjimaitono ohambondatu tjiina omurongo nandano ovimbumba avikumuka okuyenda kozongungu.

Ohinga yomurongo nambari ovandu tjivazu kozongungu oviungura otjimavyutu pokomando. Movahungire munovanane voresevate novorukondwa, omakuruhungi womayamberero wa Tjimana, omarapi, omitanda, okomiti yOtjitiro Otjindjandja, ovanane vombazu, nu koruseinina ombara Turimuro Hoveka apata eyuva.

LEAVE A REPLY

Please enter your comment!
Please enter your name here