Presidente Geingob Takauyungisa Embo Lyokupongoka Molondon

0
44

Kovanambudi

Venduka-Presidente Geingob kavamuzigidire aka gave siuyungwa kembo lyokupongoka ndi asi mbongarero zepeguru mosirongo saUnited Kingdom muna hamene yimwe ngwendi BURUJCEO, kuna kara epongo lyongesefa mokwedi kwaSitarara , 10 moLondon. Presidente kuna kumundindira akauyungise mbongarero zepeguru, vana kutumbura asi Great Britain bicameral legislature, embo lyokupongoka, Albertus Aochamub, muuyungilipo Presidente yimo katente ngoso nkera. Nkuru ministera gwaBritaniye Theresa May, Sheikha Bodour bin Sultan Al-Quasimi gemekoro vana kutumbura asi Sharjah ntani Khalid Mahmood, munapolitika gombunga zaLabour Party ogu gakara asi silyo sombongarero kutunda mo 2001, goBirmingham Perry Barr ntani ministera gomundunduma gwaEuropa nage gumwe ngakauyungisa epongo eli lyenene.

Presidente Geingob kunakara asi gelike mpitisili gwaAfrika vazigida ngakagava siyungwa, yimo ngoso kayizuvhire New ERA. Morwa elikwamo nye olyo, Presidente simpe ngakagwana mpito vakalimone nankuru ministera gwaUnited Arab Emirates ntani mupangeli gwaDubai, Mukurona Sheikh Juma Bin Maktoum Juma Al Makatoum, yimo ana kutanta Aochamub.

Simpe Presidente ngakagwanekera nankuruministera gwabRITAIN Theresa May, apa age moomo nye mositata saLondon momudigu gomazuva gavali. Geingob gakatuka aze koLondon mosondaha zeezi zomazuva 8 Sitarara dogoro moutatu wo 11 Sitarara age takatengura. Embo lyenene lyepangero kapi kalitente asi Presidente nalye ngaza korugendo oru ogu ana kutunda nage mepangero gomukurona.

LEAVE A REPLY

Please enter your comment!
Please enter your name here