Embo ro tuzo ondjozikiro kombara otjitambi omuyaruke Kuaima Riruako

0
64

Kae MaÞunÿu-Tjiparuro

Otjomuise-Ongombe imwe iwomborora ozongwao embo rimwe mOtjiherero ritja. Oro riheya kutja omundu umwe tjautu otjina okutja imbo varwe mavesekama wina aveutu okutjiat tjimwe poo tjarwe tjandje vamunu kutja nangwari puvenandangwarasi kapenondjira nangwari penondjira.

Tjiri indji ondjimaiso okurira ongaro otjiwa¿a mbumatjiyakura natjo embo ndapitire rotuzo nda tjangwa iyonongo Ngungaa Hangara. Embo indi munotuzo twOvaherero-Ovambanderu atuhe kumwe o 35, nozonganda nÿena otuzu itui, ozondjupa zozonganda inda otja kotuzo twazo nawina ozondwezu zato, ovizerika, kutja otuzo itwi tuhuhurasana kunotukee tuzo twarwe nomiÞanÿu vyozonganda zotuzo itwi.

Otjotjiraisiro oruzo rumwe orutenga membo indi oruzo rOhambandarwa mozonganda zaro mumuna onganda ya Kahere, Kahuure, Katjipi, Katjinaa¿i na Katua ya Kainakuva noya Nguvauva. Ozondjupa zoruzo indwi oya Rumana noya Tjisekiro. Oro ruzara ondwezu ondaura novandu voruzo indwi otjotjizerika 1) kaveri eraka; 2) kavetumbu onÿu ondovazu; 3) nu kavetumbu ombwa onÿorozu poo onÿorowa. Otjotjiraisiro tjomutandu omuÞanÿu wonganda ya Kahere na Karutjindo “Oya Kahere ka HijanauÞo¿i, Oya Karutjindo omukuzembanda, Omuvi omukuenjandje ngwa purirwe kozongombe za Tjikara tja Muatjombe, Oyovita vya Kanderombonde komuungomeva.”

Kakutja otuzo itwi o 35 ootuzo atuyerike tuturiko mOuherero nOumbanderu mapeya apekara otuze twarwe nwinga omautiro uriri kutja mbayenene okutara membo indi naveyendekere kutja otuzu twoharive katumo muro, veyenene okutjivisa omuatjange waro kutja kombunda yomzombura ndatu poo nao, embo indi tjimariyarukirwa otuzo twarwe tutwasewa pehi tuhite. Tjingetjo wina ohunga nozonganda zotuzo itwi. Kapena okuheya kokutja ozonganda ndaraisiwa nai membo indi kehi yotuzo itwi, oo mayandero. Otja kovatjiwe vozomburo omutjange ndahakayenene nazo nu ndoovazu pena mbumavetjiwa omwano warwe poo opena ozomburo zarwe, oondando yembo indi kutja otjiwa¿a tjiwomboroke movyombazu yatjo nitjiyete ondjivisiro ndjiriyo poo kutja omarundururiro kwiimbi nai mbiri membo indi.

“Membo ndi kamu tjangerwe oviune avihe vyotuzo atuhe nomitango vyozonganda azehe zOvaherero. Ku nao mevanga okuyandja erakiza kovarese vembo ndi kutja ave haundjire ko kutja mave yenene okuvaza otuzo atuhe nomitango vyozonganda azehe membo ndi,” Hangara matja membo rokomeho re rembo ndi. Matja otuze atuhe nomitango avihe mbiri membo ndi vya wongwa okuza motjiwana tjOvaherero mbe huoira mo Namibia. Ouherero imbwi omutjange mahandjauro okuheya omihoko avihe mbiwira kehi yOuherero nu mbi hungira eraka rimwe mbiri Ovahimba, Ovaherero, Ovatjimba nOvambanderu. Matja embo indi weriyokizire ombara otjitambi omuyaruke Kuaima Riruako. Mazeri kutja ovandu otja tjimaveritjivirwe kotuzo twao otjina ihi matjiyeta oruwano mokati kawo.

Embo indi movihuro marivazewa pozonganda ozorandise zomambo inÿa: Book Den, Namibia Book Market and Unam Press. Marimunika ko N$150-00. Ku imba mberi pendje novihuro maveyene okurimuna okuza komuritjange po: 0811660098 poo 0812550448. Tjiyeri yevari komweze mbumauyende otjimaritjiukisiwa kotjiveta ponganda yomahongero wonganda ya Namibia, o Unama.

Hangara wekurira mEpukiro na munu omahongero we wounongo okuza konganda yomahongero wokombanda ya Free State mo South Africa motutuombo novikunwa. Nai uungura pOtjiungura tjOtjiwa¿a tjOmitanda pena omerizirira nOtutumbo nOvikunwa.

LEAVE A REPLY

Please enter your comment!
Please enter your name here