Ongongo iri ko Lephalale Ombimbi tjitjavaza

0
73

Kae MaÞunÿu-Tjiparuro

Otjomuise-Mapemunika ayo ongongo kaina kukara mokuvare omayuva womasuviro inga nungwari iri ko Lephalela mouye wa South Africa ndoovazu otjimbumba tjombazu ihi Ombimbi tjavaza.

Mbari mOtjomuise omayuva womasuviro inga ongongo indji verimunine oveni otjimbumba putjari ama tjiri rongerere o Lephalale. Konombunde yomuhiva poo ondone youthina omundu moyese pehi tjinga oma ayehe omanene motjitambi tjomuzumbi wombazu imbwi apuyari Oritjatano na Rovyungura po Komando Oitjavari yErapi rOtjiserandu. Kuruha Nganjone, Rihungira Kandjeo, Raseuatjo Viakondo na Uaeta Kandiimuine. Karombo “Something” Upingasana, Kavesutu Katjipi. Omuundu tjiweritua okutetera omana inga eyuva marihiti. Nuu tjiihapo ongongo tjiiheri mo Lephalale nomana omanene inga momuhiva noutjina tjii hapo kwarwe maiso okukarapi? Nu hapo munao ozondekurona zondjembo ya Katjivitjouanga mo Tjauana na South Africa nai kazetoorere ongaka?

Kwiimba mbasuvera ombazu ozondjira Oritjatano na Rovyungura ndazuko kazesere kutja zahungamene kwarwe pendje no ko komando. Omutjange ingwi tjena kaarerepo Oritjatano kena kuhungirira kuro nugwari indi Orovyungura raraisire ouwa, ousore nousopoke womuhiva noutjina. Kayari kutja okupunda okupunda uriri nokutona okutona uriri nungwari ozombunde nozondone Orovyungura zeriraisire kutja omuzumbi wombazu kaunomukwao nandarire oo katjikuatjike mbeheewa, hapo kuza ookatjikwaye? P-Square mbetjiukirwa kokamuzumbi inga Chop My Money. Kako tjiwapuratene kozombunde nozondone tjimuna inda zo Mbimbi, omuzumbu wombazu nangwari omburiwo.

Otjitjitua ihi yari okukondjisa okuwonga okamarira nani ozombunde nozondone inda zevaze ko Lephalale. Omundu kono kutjiwa kutja ongurova tjimai kakurupa otjivarero tjounepo wotjiwana tjekeriwezereko kwiiho tjongurova omutanda tjitjihari otjiyandje tjohange kaparukaze. Munao ngunda otjeheri ongahukiro kutja tji Ombimbi nao ko Lephalale maivaza ina okamariva kuyahitisire potjitjitua ihi kokwiivasisa ko South Africa.

Posya nandarire kokutja ko South Africa maivaza poo kaina kuvaza, Ombimbi tjiyapandere imbo puyakamburira nu wina otjiwana otjini, nu tjinene nene ovirata vyozombazu avipenduka mozombondu zouvi nozondjo muvimunika ayo omuviri. Nangwari ondjira yomuzumbi waombazu ina okarumunino komayandero. Kanao porwe nugwari karire nu kanambano oviritje nao mbuminika ayo ombri ombazu, tjinene komitanda, mutu karure nu kanambano yandje Ombimbi yevitumununa mozomboÞu.
“Ovaherero Vekura Veharerako Omasa”, ondiri eembo epangi¿e nevanÿiparise pomazemburukiro wozombura esere nomurongo (110) Epaha ra Tjiute kehi yozombara zaro kumaritumunikie ko Lephalale kOrukondua idwi o Limpopo mo South Africa omayuva womasuviro inga. Omokuteza ozombura 110 zaro mounane womunyovita vyo 1904-1908 kunEhi rOvandoitji, Samuel Maharero, tjirakavaza korukondwa indo.

Omazemburukiro inga yeri mene yotjihuro ihi o Lephalale, rukuru tja tjitjiukwa otjo Ellisras. Owo mayeyeta pamwe epaha indi okuza ko Tjauana na Namibia nawina okuza kozondendera peke peke za South Africa oruni tjimuna okuza kovihuro oo Vryburg noo Kimberley nongondoroka yavyo. Tjingetjo wina otjingi tjozondekurona zomuhoko nai nÿerihonga mo South Africa mozonganda peke peke zomerihongero wokomambanda, mazeundjirwa okurara potjitjitwa ihi omuhoko pumauriteza nokuzemburuka omakuruhungi nombazu yawo. Kutja ombazu poruveze indwi aihakaiya tjinga otjo wina atjitjiri otjitjitwa tjombazu okwiitutumuna mozondekurona tjinene za Tjauana na South Africa ozengi zawo ndakwaterwa momahi ayeevari inga, nu kundinondi azehatjiwa ombazu yazo tjinga otjingi tjorutanga rondjembo ya Katjivitjouanga, nai aveheriko nu munao ozengi zozondekurona inÿa azeha kongorere ombazu yayo peyapayuva tjinga azehina ovahonge nawina oveitunduuze.

Munao ombazu otjiina orupa orunene pomaworonganeno inga puma peundjirwa otjimbimba tjombazu okuza mo Namibia, ihi Ombimbi Investment cc nawina omitanda vyOuhonapare wOmbazu wOvaherero mbimavyindjirwa okukaraisa kutja otjomitanda ombazu viitoora nokwiikamburavi noku kayandja otjihorera komitanda omikwao okuza ko Tjauana na South Africa.
Ozonduezu mazepondo…Rihungira Kandjeo na Kuruha Nganjone pongurova yomuhiva noutjina po kOmando yErapi rOtjiserandu Orovyungura ndazuko mOtjomuise.

LEAVE A REPLY

Please enter your comment!
Please enter your name here