Yimaliva yokwata okwateko kuna kureta uwa ponosure

0
25

Tuulikki Abraham

Luderitz-Nokampani mbali dokukwata nomfi domadina, Luderitz Bay Enterprises ntani Marco Fishing kumwe kavageve yimaliva yokusika koN$120 000 konosure dokusika kontano depangero kodoropa ezi zekezenga. Moyimaliva oyo yokusika ko N$50 000 kavayigeve posure siruwo sooso, melikwamo lyokuvatera vanona ano ey yimwe ykusika ko N$50 000 ngava yigava mokwedi kwaMurongagona 2018, kelikwamo lyoolyo. Ano eyi nye yokuhupako, N$20 000 kavayigeve konosure domoAus ntani Bethanie omu ngayikavatera vanona vanayihepa vakarande mudwaro gompokufu. Silika esi kasihorokerere pevango lyaMarco Fishing omu kava kakerepo vakuron sure wonosure odo ntano ntani Peter –John Sylvenster gokampani zo Luderitz Bay, Reeva van Rooi gokampani zaMarco nomunasipundi goMarco Charitable Trust na Jan Scholtz. Scholtz katente asi uhwi ou vanagwana kuna kuliza nelikwamo eli gatulisapo Presidente lyaHarambee Prosperity Plan, eli lina kutanta asi twahepa kurwanesa ruhepo nokuwapukurura erongo lyetu. Sylvester katente asi sinka sokampani zawo kuna kara asi vahepa kutengwidako Yuma konkarapamwe nokutanta asi nkenye uhwi ava gava nampili ukare asi usesu hawe kuretesapo elisigo. Mukurona sure, mokupitira mwaBentos Garoeb kavageve nonkango dawo dorupandu, nokutanta asi uhwi ou kuna wiza mosiruwo esi vanayihepa unene, morwa nosure dimwe varongwa kusimba nondja komambo gawo vayape vanona posure. Garoeb kahundilire nokampani dimwe asi dahepa kugusa sihonena sangesi sina tundu ko Luderitz Bay ntani Marco Fishing, sihonena omu nawo navagava mauhwi konosure pelikwamo lyapunyu.

LEAVE A REPLY

Please enter your comment!
Please enter your name here