Kankoshi kapi yina kumuhafesa ezeruko epiro yirugana

0
37

Obrein Simasiku

Omuthiya-Nguuru gomukunda Oshikoto, Henock Kankoshi kuna kara nomagzaro dona ndi asi kap yina kumuhafesa omu epiro yirugana yina kuhamata vantu momunene nosivaro sina kuzeruka.

Omu katente asi ngesi momukunda gwendi kuna kukasika nye konoperesenta 40% eyi yina kuhara kuliza noruhepo runa kara asi noperesenta 42.6%  Sivaro esi kukwama evaruro lyovantu mo2011, nomambo, ngesi kuna sikama nye po 40% momukunda gwaOshikoto, ano mokuyitara eyi pwanayina ngesi, kapi yina litjindji nampili nakauke mokuyitara tupu nayinye.

Mukaro kuna kureta nye vantu vakare nomagano peke, eyi yina kara asi kuna tutamba momunene natuvenye.

Momukaro nye ogu twahepa kuhomokera mukaro ogu momunene omu nayiwapa nsene asi natuvenye tukara tatugavako kuwoko kweyi younkurungu ntani SME megano lyekuliko, yimo ana kuuyunga ngoso Kankosi oku tagegemene ndi asi mahodi momeho.

Kankoshi katumbwire nonkango edi sivike sina puko posilika sokuliyonga omu navatura moyirugana egano twaromo lyekuliko ndi asi NDP 5, nokutjangurura mukaro asi kapi guna wapa kuna pumbwa ekeverero pangenderera. Yimwe eyi katumbwire kuna kara yihepwa yokuruganesa matungo konomukunda doponze zodoropa, mema gomawa, mavango gokulivaterera, magwanekero ntani nonzira ntani usesu nye woyininke yokulirongesesa.

Nosure dimwe momukunda kuna kara nonzugo dopampo edi dina kara asi kwaditungisa kowayi, yina kuninkisa erongo lidogope yimo ana kutanta Kankoshi. Age simpe katente asi yina kara pangenderera asi vahepa kuwapukurura evhu modoropa momukunda gwendi.

Ewapukururo evhu kuna wapere monodoropa ngwendi Omuthiya, Tsumeb ntani Oniipa nevango vatura paveta asi lyokutunga Oshivelo, Onayena ntani Onyuulaye yipo asi tugusepo udigu wevhu nokutunga mambo gombiliha. Mokugwedako, age kahundilire ava kavakere pepongo, asi mukaro gwangesi vahepa kugusapo kupitira monondima, udinguli, nomina ntani SME mekuliko. Ame kuna tumbura tupu maruha gamwe nina kumona asi kuvhura gavatere ekuliko meekonomi momukunda ntani udigu nye ou tuna kugwanekera nawo momukunda. Uwa unene nsene asi tugava magano kuhamena udigu owo apa natuza momaliyongo.

Konyara noperesenta dokusika ko 33% kovatngimo moOshikoto, kwakara asi eparu lyawo monondima omu mwakara asi yimo ava gwanene yiwizamo yawo ntani udinguli yina kara asi simwe soyiwizamo mokuvatera ekonomi lyomukunda, yipo asi twahepa kuyitamununa mokugava yirugana kovantu vetu yimo ana kutanta ngoso Kankoshi.

LEAVE A REPLY

Please enter your comment!
Please enter your name here