Tou ibulaile muchembele kwa Lubuta

0
32

Aron Mushaukwa

Katima Mulilo-Musali mumbulu wa lilimo zemashumi asupile kamashumi amabeli ni zepeli Kwebela Lupalezwi kuzwelela mwamunzi wa Sichelo silalo sa Lubuta, silalanda sa Lyabboloma mwasikiliti sa Zambezi nashwile kalifu lakuhatiwa kitou yamuuna yeneipanguzi inosi Lamukibelo musihali.

Kutwahalile kuli, musali muhulu nazwa kwamilapelo Lamukibelo musihali, kihasaba nimuhupulo wa kushetumukela famushitu olibukaufi kunopa bwandilala bwakutatehisa zakuca. Kikanako yeo kezo yesituhu neezahezi teni, kafoo tou yeneyemi ili tuu mwamachachani yamuhatikela ni kumubulaya. Kozi nenitifalizwe kiyomuhulu wa ofisi yebona zanaheńi, ni zakamaiso yalifolofolo mwa sikiliti, Chief Warden Morgan Saisai, yatolokile kezo kuba “yabumai”.  “Sibaka sani kikuchenjela, kisibaka salifolofolo zanaheńi, sesifumaneha mwa Kwando, kacwalo kungundangunda kwalitou kuatile ahulu mwampakani yani nako yacwale, cwale batu baswanela kuzamaya kamaifefe,”kwa eleza Saisai.

Saisai u nitifalize kuli, tou nebulailwe ki babeleki Baliluko Lazanaheńi ni Bupoti Lasunda.

LEAVE A REPLY

Please enter your comment!
Please enter your name here