Geingos upotela Masida

0
53

Aron Mushaukwa

Katima Mulilo-Piho yalipatisiso zalibaka zekungulezwi kwatuko zazwelopili yabanana nesulilwe biki yefelile ki mufumahali wapili Monica Geingos kwa Masida mwasilalanda sa Linyanti, sikiliti sa Zambezi.

Mukwa walipatisiso neuezizwe kibalipatisiso babashelanashelana basikolo satuto yepahami sa University ya Namibia mi neliungekezwi mwalibaka zazwelopili yababanyinyani zemashumi amalau kazepeli mwalikiliti zesupile kasilisimwi zanaha, zecwale ka: Hardap, Kavango yekwa Wiko ni Kavango ye Kwaupa, Kunene, Ohangwena, Omusati, Otjizondjupa ni Zambezi. Piho italusa zefumanwi, ni kufa mikwa yakueza kukona kutatulula litokwahalo zalisebelezo zasichaba samayemo akwatasi mwabupilo mwalibaka zazwelopili ya banana.

Hana bulela kwakufa piho ya tokwahalo yalipatisiso Geingos na talusize butokwa bwalituso kwasichaba samayemo akwatasi ahulu kubona kuli litokwahalo zabupilo bwabona zafumanwa. Azwelapili kusepisa yomuhulu wa kamaiso ya ECD ya Masida kuli kuzwa lona lizazi le, leneliyaliwa piho ye, mipilelo ya banana itabe imbweshafezi. “Nibata kusepisa kuli, kalulo ya lipesenti zemashumi amabeli zekaulwanga kwatuwelo ya mueteleli wa naha zelelezwi tuto litabe lilibisizwe kwanu kwa Masida, ili kuli banana kwasibaka se, itebafumane sa kuca,”kwa talusa Geingos.

Likwambuyu wa litikanelo ni mipilelo ya banana Doreen Siyoka kwamukopano oswana ukupile sichaba kuisa bana babona kwalikolo ilikuli bafumane tuto, yetatisa kuli babizezwe kwamileko mwabukamuso bwanaha. “Taba yemasila ahulu kiyakukasheza banana babanyinyai mwamanyalo nibafumi. Aluambuke taba yeo. Halusiye bana baluna baye kwalikolo,”sioka aeleza. Piho yesulilwe ipatuluzi kuli mwahali alibaka zemashumi amalalu kazepeli, mwahali alikiliti zesupile kasilisimwi buńata bwazona halina lisebeliso sakata zamayemo aswanela kubupa sibaka salizwelopili zabanana.

Kacwalo mihato yeswanela kuezahala kiyecwale ka: kukala kukupa lituso zalisebeliso zalibaka zalizwelopili zabanana, kubupa silikani samulelo wa kuchimbula zibo yabababaleli balibaka zemashumi amalalu kazepeli zanaha, ni kubupa mikwa yakupotelana hala libaka ze-eza hande ni libaka zesatokwa tiululo kuchimbula mayemo amisebelezo yabona.

LEAVE A REPLY

Please enter your comment!
Please enter your name here