Horongo zongara kazikere nononkupa kavaziroyere morukanda rwaCimbebasia

0
25

Donna Collins

Swakopmund-Horongo zongara zonene kavaziroyere kumwe nokufa membo lyakara korukanda moCimbebesia nkera ngurangura, konyima tupu apa varugani wokukunga yimuna kavadimbwilire asi kuna kara nononkupa ntani maguwo gomanzi. Awo kavafungwinine kevango eli vana kutumbura asi Namibian Marshall Ranger Sheriff Sean Naude, omu kavamutanterere asi horongo zina hwilire membo lyetu ntani azo kapi zina kumoneka nawa kuna kara nohonde kokana.

Pwahana kupita siruwo Naude yipo karondere motaxi kumwe nokudukira oku vana muzigida, kumwe nokukasika pevango olyo kasikere sikorama kekuma pokampito tupu kokupitira vantu. Vatungimo kavakere vana tukuka, awo kavadukiremo membo lyawo, morwa sikorama esi kasikere tasipiti honde, momazuru, Sheriff Naude katanterere sayitunga zaNew Era asi ame ninafungwinine ministeli zakarerapo kukunga yimuna noyikasama, yipo vavaterenge mosihorokwa sangesi awo yipo nye vana tupu munamberewa ogu ana roya sikorama esi nouta wokupira kuhagara.

Esi kuna kara sihorokwa somunkama, kuna kumoneka asi sikorama asi kuna mono siponga somaguwo nononkupa nouhumi umwe ngoso, yipo nye asi yikorama yangoso vahepa kuyidipaga pangenderera.

Ose makura yiyo katusigusiremo membo, kumwe nokukomba honde zaso kazikere p-evhu, yipo asi nonkupa dahakara direte sipanga kovantu ntani yimuna vaweka momambo.Age katente asi kuna gusa kambunga kovanamberewa ntani Marshall rangers mokurondeka nyama ezi mehauto. Nyama kavazitwere kovakona koni woyimuna, yipo vaka tare asi sili kuna kara nouhumi ano konyima nye zopo awo makura tavakahwika nyama ozo. Naude katente asi morwa yihwa ntani nondundu, edi dakara korukanda rwaCimbabesia, vambanze, nohorongo ntani yikorama yomowiza kumonayika kevango lina. Age simpe katente asi mbunga ezi za Namibian marshall rangers kwakara nkenye apa kunakundindira monovili 24/7 omu vakara asi awo kuna kurwanesa umbondo ntani awo kuruganena kumwe novantu novaporosi rambangako ministeli zokukunga yimuna. Rangers simpe kwakara nawo nelikwamo lyokupopera yimuna vadinguli. Naude simpe gumwe gakara asi kukwata mazoka, age kugakwata makura tagatwara hena moyihwa omu gawapera kukara gatunde movantu.

Kuvhura kumugwana kofunguna ezi: 081-2010821 ndi kwezi nye nopira kufutako Yuma: 085919. Mokukwama nye Dr Voigts gomoVenduka, nganga goyimuna katente asi yousili horongo ezi kuna kunyanda kouhumi, nokutanta asi nomuvana yirugana yinagendi moomu yawapera.

Nkenye gumwe kapi toyihafere okare nosikorama sina kara nononkupa nayimwe ngoso, wahepa kusidipaga. Nokutanta asi kapi kuna kara yitundwamo asi nonkupa edi dina siki kovantu, nkenye sihorokwa vahepa kusitekura pangenderera. Age pokuhulisa kageve magano asi vantu vahepa kutwara yimuna eyi vaweka momambo vakayihakure mukisi nkenye unene gononkupa.

LEAVE A REPLY

Please enter your comment!
Please enter your name here