Ngambela wa naha ueleza babancha kutompa baeteleli babona

0
28

Loide Jason
Outapi

Ngambela wa naha Saara Kuugongelwa- Amadhila nalikile kueleza babancha ba Namibia kumangamanga musumo oyahilwe mwalilimo ze mashumi amabeli kazesupile kuzwa kufumanwa buipuso kubupa bukamuso bwa Namibia kakukuteka baeteleli babona.

Uize, babancha batokolomohe kutikitibanga baeteleli babona zeo bapetile, kono baswanela kusimulula kuhupula zebaswanela kueza kubukeleza bukamuso wa naha. Kinako yakuli babanca batateki kutompa babahulu babona ni kutokolomoha kutapaula bashemi babona, a talusa. Kuugongelwa- Amadhila natalusa ze mwanako ya kupozo yabu 57th yasimuluho ya kopanao ya Swapo kwa Outapi mwa sikiliti sa Omusati Lapelekelo, kafo natalusize kuli, babanca baswanela kusebelisa nako yebafilwe, ni kuikambusa mwalitaba zabubangoki, kunwa macwala ni kusebelisa lino zekola. U ize, kubuka kusina silelezo kutisa babanca kuyambula matuku asihozwa, milwalo yesikalelwa, kilika zekona kutibela bukamuso bwabona. “Lubakanya babanca kukona kubapala kalulo ye, kakufa lipulukelo mwazwelopili ya bukamuso bwabona, kungelela cwalo nikubafa liseli. Hape lusafa lipulukelo mwasifumu kamo baswanela kusebeleza kubupa sifumu sa Namibia, “a talusa. Uzwezipili kutalusa kuli, sicaba baswanela kuikungela buikalabelo bwakafo naha ilibile teńi kakubupa buchaziba kazetokwahala ni kusebelisa liseli kunanula mayemo anaha.

“Tukuluho yaluna itile kabuitomboli ni tundamo. Luswanela kuitukiseza kueza mukwa oswana kualuhanya sifumu kwa bunjebwe nikukutela mwamulaho kwa sifumu, atalusa. “Hakuna zwelopili yekona kuba teni mwahali amifilifili ni kutokwa buiketo. Kacwalo luswanela kulwanela kozo yaluna ni swalisano kamolukonela kaufela yenelufumani kakufufulelwa.

Nazwezi-pili kutalusa kuli Namibia ki naha yetompeha ahulu kwalinaha zamachaba yeo ifitisanga linzwi layona famikopano yamachaba yalifasi mubu mi ipondanga mwalitatululo zamikwangalakanyi zetalimani ni linaha zamachaba kubupa bukamuso bwalifasi mubu.

LEAVE A REPLY

Please enter your comment!
Please enter your name here