Bayahi bamatezi muyaho habafeza kusinya N$62 million

0
31

Aron Mushaukwa
Mpacha

Bakopano ya Cadino and Construction nebafilwe musebezi wakuyaha libala lalifulai Lampacha mwasikiliti sa Zambezi kono ishee bamatile muyaho usikafela kale hasebachile mashelenyi afita fa N$ 62 million.

Mwasilimo sa 2013 musebezi wa kulila libala lalifulai kwa Katima Mulilo lelifumaneha libima zelishumi kazepeli kuzwa mwatolopo kimusebezi oneuekelelizwe mazazi kuzwamwalikweli zesilezi kuya fasilimo. Kikale kubinduka lilimo zene musebezi usangangamani kufela.

Kuswanelwa kulemuhiwa kuli hakilwamakalelo bayahi inzebaeza likezo zeswana zakumatelanga misebezi ya muuso basikaifeza kale hasebalifilwe bolule bamadola, sina misebezi ya mikwakwa ni likolo haifulalezwi kibayahi babasasepahali. Kopano nekalile kuyaha kuliulula likululu lalifulai musebezi otandile lilimo zene inzeupala kufela nikulifiwa N$ 62 million. Kacwalo mwa Sope batatubi habaya kwakunyakisisa musebezi nebabihile kuli musebezi oezizwe neli wamboza kacwalo nekutokwahala kuyopundulula musebezi kono kabumai kufumanehile kuli kopano ikapesize machachani.

Nzila yafulai kinzila mofulai ifita hainanuha kapa kuzwa fakulula pili isikafwekelela kale foo iswanela kuyema. Hańata iyahiwa fabulilo kono mwamabala alifulai zenyinyani kusebeliswanga chebechebe kapa bucwani.

Hanapotezi libala lalifulai biki yefelile likwambuyu yomunyinyani wa Liluko Lamisezi James Sankwasa unyazize babeleki baliluko lahabo kuli kutaha cwani kuli muyahi nafilwe N$ 62 million famusebezi osikakondelela kale. “Fa muuso u kutezwi lisinyehelo zaona zamali nji? Ye kiyona puzo yenikona kutaluseza sichaba sanaha. Kuna nitaba yetuna yeiputezi fateni, mi hanikolwi kuli ki N$62 million feela. Kwakikutalusa kuli muuso hape uyozuma myanda ya madola kutoeza musebezi oswana. Halukoni kueza taba yecwalo, yomumwi uswanela kualabela fa N$ 62 million yesebelisizwe,” kwa talusa Sankwasa.

“Utabatisisa kuli ki kalibaka mani muyahi hanakapwekilwe N$62 million kwamusebezi wamboza. Lutaulunguta taba ye kabutungi kunyakisisa tifo yenelifilwe kakuya katifo ni tifo nikuli kikalibaka mańi hanekulifezwi musebezi osikakonda”. Hatalusezwa kuli muyahi ukeni malengo, Sankwasa nabonahalile kunyema nikufita. “Haiba muyahi umatezi musebezi wa hae hanimubati kuli aipihe hape – ye kitaelo yaka. Munge mihato kaufela ya mulao yemutanga. Luswanela kusileleza tato ya muuso – muuso usebelisize mali kamafosisa mwataba yamufuta waye,” kwa talusa Sankwasa.

LEAVE A REPLY

Please enter your comment!
Please enter your name here