Trust zovaduni moomaheke kuna kukondjera yiweka wayo

0
37

Mbunga ezi vana kutumbura asi zovaduni momukunda gwaOmaheke, ngesi kavatuliremo marapoto asi kweli ogu galitjangesa yiweka yawo pahana asi paveta, muna hamene ukorokotji kuna kara maungawo gavali aga gana kara moGobabis vageve asi yikare yimwe navaweka vaduni momukunda gwina.

Murugani gakarerapo ekuliko, Manfred Jasob, mo 21 Kudumogona 2017, katente asi gumwe mutungimo kwatjangesa nombapira doufuki edi dina kutanta asi mbunga ezi zovaduni kuna kurandesa yiweka yawo, yina kara po erf 217 ntani 218 mositarata zaRoosevelt moGobabis omu ana kugazara age asi ngano vafute nye makongo gondango zodoropa aga gana kara ngesi asi po N$184 000 gonomvhura dakapita.

Jacob katente asi mbunga ezi zovaduni azo kwagava nye mavango aga pomukuli kwaNatasha Haufiku ntani Brigitte Konjore awo ngano yiwo nye navaheheda mavango aga vagwane yimaliva. Ano mpanguro mokwedi kwaSikukutu mvhura zina puko, mpanguro kwatokwere asi Natasha naKonjore vahepa kutunda momavango gena. Jacob katente asi vavali owo yiyo vanyoka kutundamo mevango olyo, ano awo ngesi yiyo nye kavazire melizuvho kumwe nahompa govaduni asi evango eli vahepa kulirandesapo yimo nye ngoso kavalizuvhire nahompa Fredrick Langman gova #Kao -//’aesi.

Mokukwama monombapira edi tuna kara nado dokulirandesa, komitiye ogu ana kara asi mutotipo mbunga ezi, kwayipulisira asi vahepa kurandesapo mavango aga yipo vafute makongo vana kara nago kondango zodoropa zaGobabis. Nombapira edi kwadi nyatera vakomitiye wokusika ko 6, momazuva 23 gaMurongankuru.

Nombapira kuna kutanta hena ssi mbunga ezi zovaduni moOmaheke kapi zina karapo hena. Nye gumwe gwawo gwanare Willem Ryperd nage gumwe gatulirepo enyatero lyendi.
Nye mokukwama nombapira dina kara komberewa zoministeli zeyiyomonda zosirongo Ryperd kwadogoroka mo 2002, morwa honde zapilre kugrnda ndi asi zahagekere. Awo ava vana karapo kuna hara ngesi nye kurandesa evango eli yipo vafute makongo gawo. Elizuvho limwe lyepe kuna kulikida asi woowo vana kara asi kapisi paveta vanakulitumbura vene asi yiwo nokomitiye vahepa kutundamo ngesi, morwa awo kuna hara tupu kurandesa vafute makongo gawo. Ano ava nye vavali Konjore naNatasha vahepa kukarapo ngorooro vatakamese evango dogoro papa ngasi sika siruwo vavapure vatundepo.

Hompa Langman, Jacob novakurona vamwe kehagero lyokwedi kwaNinano kwatjenge mbapira zize kwanguuru gomuknda Omaheke Festus Ueitele omu vahundilire asi nguuru kahepa kuwizamo nage mokukohonona udigu ou, yipo asi vavatere vaduni.

Eyi kwakara tuna yidiva nawa nawa asi vaduni vantu tupu ava atutara asi nayimwesi ngesi kapi vana hara kuligusira veta pwavene, yipo asi awo kuna kuhundira vampitisili womukunda vawizemo yipo asi vapopere emona eli lyahaza momawoko gowo vana kara nonzara ozanji.

LEAVE A REPLY

Please enter your comment!
Please enter your name here