Mutji gosimbanda kagulire mukadi

0
51

Mukadi gonomvhura 56, gakara pomukunda gwaMakena, moKavango zoupumezuva kafire konyima tupu apa kanwine mutji gonondandani ogu kamupere simbanda pembo lyendi pomukunda gwa Korokoko.

Simpagwa sangesi kasihorokere mosondaha, poyiha yonovili zoutatu pomukunda gwaKorokoko, momundahorowero gwaNdiyona, Kavango zoupumezuva. Nakufa kakere tasivana asi kuna kuzuvha kukora monturo eyi yina kupira kulitura siruwo sosire, nampili ngomu yina kara asi age kuza kosipangero kapi pana kuwiza erunduruko nkenye. Morwa sipangero kapi ava muhakura, nage namugara gwendi makura yipo nye kavatokwere kuza vakamone simbanda, ogu kakamupere mutji gonondnandani.

Konyima nye apa kanwine mutji ogo, makura tatameke kulinana dogoro yiyo kafire. Kuna kuyitanta asi age kafire konyima tupu apa kamene kunwa mutji ogo. Ekona kono gona kuna kutwima vadive nawa nawa asi yinke kayimulire. Amen are kanihundilire mbapira zanakufa zokosipangero, ezi tuna kugazara asi nazikara zina kuvatera mekonakono eli, nampo kuvhura kumoneka asi mutji kaguhagekere kurugana. Yimo ana kutanta ngoso komisare gona govaporosi ruha romakonakono Willie Bampton, kosayitunga zaNew Era. Nakufa kuna mudimburura asi yige Mashe Rosia gonomvhura 56, ogu gatunga pomukunda gwaMakena. Ose ngesi tuna turapo makonakono, mosihorokwa esi yimo ana kutanta ngoso komisare gona.

Mombudi zimwe, vaporosi kavakwete mugara ogu vana kugazarera asi hambara adipage konyima tupu apa karoyere mugara mukwawo mokuguru monongura domomapeu ponovili 02h00 pombaha zaKalundu moDivundu. Mugazarerwa kakere kumwe novakwawo makura yiyo kavamuvetere nonobira momutwe konyara mbunga nazinye kazikerepo pombaha, makura age kumwe nokugusa pisitora zendi kumwe nokuroya po gumwe gwawo mokuguru korumoho. Ogu kavaremekere yige Malasa Kostodius, gonomvhura 26, gopomukunda gwaAndara, moruha rwaDivundu. Vaporosi kavakwete mugazarerwa ano age ngesi kuna kumundindira akamoneke rumuho kompanguro mouvali.

LEAVE A REPLY

Please enter your comment!
Please enter your name here