Ombara Otjitambi yOvaherero iundjuwa kOtjihungiriro tjOtjiÞiro Otjindjandja

0
105

Kae MaÞunÿu-Tjiparuro
na Kuzeeko Tjitemisa
Otjomuise

Omuvero kotjihungiriro tjo TjiÞiro Otjiandjandja ngunda uri kamwaha nu tjimotara ngunda ohoromende iundja Ombara Otjitambi yOvaherero otja konÿuvasaneno yao nomunane wehi kutja mahungamapi.
Indji ondjari ondjivisiro yotjiuru tjehi Hage Geingob, eye ngwayanderere mondjira ohunga nomazuvasaneno ye kuno. Ondjivisiro yotjiuru tjehi yazire mepuriro rOmunane wo NUDO ya Namibia, Asser Mbai, erero mOmbongarero yOtjiwa¿a mehungi rotjiuru tjehi rombura kutja tjii hapo ehi riri mongee ngaro. Epuriro ra Mbai rari okutjiwa kutja tjii hapo nai otjihungiriro ihi tjiri pongeendondo nu hapo oruveze karuhorere kutja katiÞi ovandu vetweko ovihando kotjihungiriro ihi nu vetjiriyarukire? Tjingetjo umwe warwe wou¿epo wOmbongarero yOtjiwa¿a ngwaÞunine kepu rOtjiÞiro Otjindjanja yari omunane wo Swanu ya Nambia, Usutuaije Maamberua, ngwavangere okutjiwa kutja tjii hapo otjimariva ohoromende ya Namibia tjii hingirira ko kunongwao yehi rOvandoitji otjo tjisuta otjoho tji tjaingaina Ozondola za Namibia omatau o 400 poo indee. Owatjiri omunane wehi kepuriro indi warurumine ko
O ministera Yongaro pOkati kOmahi nOmaunguriro Kumwe, Netumbo Nandi-Ndaitwah, matja ovakwatera avehe va Namibia maveparukire motjisuta tjOtjiÞiro Otjindjandja kutja osemba poo otjomandindi mozombahu.
O ministera yaziririre komapuriro mOmbongarero yOtjiwa¿a yoperesidenda yo Swanu, Usutuaije Maamberua Oritjatano ndazuko kutja hapo ndoovazu otjisuta tjazuvasanewa iyozohoromende azeembari ya Namibia noyehi rOvandoitji movihungiriro mbiripo nai, matjiparura oviwa¿a mbyaihamisiwa yovarwe vOvandoitji ongarate mOtjiÞiro Otjindjandja poo indee. Nandi-Ndaitwah wepe kahurire nawa kutja kanaa peya kutja oviwana mbyahamwa uriri ombi maviparurwa iyo visuta kangamwa ohoromende yehi rOvandoitji ndjimaiyandja. “Tjitwamunu otjisuta, hapo tuheya otjimariva otjikukutu Ozondola za Namibia omatau o 400 kutja otjivarero ihi tjiha¿ewe kutja ove apehe puuri indjo uye kukambura itji otjoye?” eye wapurire nao na weza ko kutja ohoromende iripurira kotjiungura tjimatjitunduuza oundu wozondekurona zOtjiÞiro Otjindjandja. “Turipurira kokutunga ozonganda zomahomgero, ozondjira, tjitjiri otji¿a tjimatjitungu ongorongova yetu,” Nandi-Ndaitwah matja.
Matja OtjiÞiro Otjindjandja tjo 1904 tja¿una navi kombunikiro ya Namibia mena rokutja aruhe tjimavekondjisa okunanena ovapwiko kuyekupwikira mehi vezemburukisiwa ouÞikona motjivaro wovandu varo. “Otjotjisasanekero, tjimatutja ngatutare kotukondwa oviwana mbyaihamwa muvyatura kutja tutungemo otuveze twomahongero nozondjira, motja oviwana imbi uriri ngarire mbyaungurisa ovyungurisiwa imbi?” wapurire nao komurungu. Tjayandjere ohambwarakana kotjihungiriro itji, operesidenda yo DTA, McHenry Ve¿aani, matja otji¿a tjimwe tjitjiri otjipaturure nu nai tjitja kaiya meningira rotjisuta ohoromenbde okuhina okutiasana pupayenene. “Aruhe ovi¿a imbi tuvizuva mozombuze, tjitjiheri otji¿a otjiwa,” matja.
Maamberwa matja eye una mbye mukendenga mbyatjita kutja mahinde orutuu koperesidenda yokehi yehi. Tjimwe tjavyo kapena omataisaneno omaparanga kunoviwa¿a mbyaihamwa. Waarukire po rukwao kutja eye umuna kutja otjimbumba tja Namibia otjini kourike watjo katjina ondjiviro ndjayenene poo ndjapwire nawina omayeneneno nomasorero wokuuryungurira epu tjOtjiÞiro Otjindjandja kourike wayo oini kunohoromende yehi rOvandoitji oyo ndjiri ohoromende onene mozohoromende zouye nu ndjaungura otjina ihi rukuru tjimuna otja tjiyetjiungura kunOvajuuta. Otjotjiraisiro tjokuhina omayeneno inga oyondjo nai yakapaha ozohahende ko Londona. Munao atjarira nawa nandangu papahewa ombatero kOmuhoko Omikutasane owo mbuna otjirata tjapeke tjokuungura nomapu tjimuna indi otja tjitjaungura nOtjitiro Otjindjandja tja Rwanda, Yugoslavia na Cambodia. Maamberua wina waraisire ongendo ye nomapaterero pendje wovakuramenepo woviwana mbyaihamwa ngunda ohoromende ya Namibia amai paha Ozondola za Namibia omatau omasere 400 eye tjehina kutjiwa kutja otjivarero ohoromende tjiyaisapi ngunda aihiyatiasana kunovakuramenepo voviwa¿a imba.
Maamberwa matja oviwana mbyaihamwa kaviyandere mo Namibia uriri nungwari vinovandu ozondekurona zOtjitiro Otjindjandja tjimuna ozongwao nÿeri mo Namibia momahi wozonganda tjimuna o South Africa, Otjawana no Angola. Matja ehi rOvandoitji ratiasana otjisuta kehindi o Israel nozondekurona kangamwa akuhe kwarwe otja kombongarero onene yOvajuuta. Matja ngunda Nandi-Ndaitwah amatja otjimariva otja Namibia okutunga natjo otuveze twomahongero nozonamiti, kapena patamuna ehi. Wina matja otjisuta tjasere okuza kohoromende yeri rOvandoitji, ozonganda zehi rOvandoitji tjmuna o Woermann Brock novanahi.

LEAVE A REPLY

Please enter your comment!
Please enter your name here