Mukadi katopagerere mugara gwendi dogoro kufa morwa yimaliva

0
104

Mukadi gonomvhura 46 kavamukwete sivike sina puko morwa kuna mutamba edipago lyamugara gwendi omu kamutopagerere nekatana pomukunda gwaShamayembe.
Shamayembe kwakara momukunda gwaNdiyona, moKavango zoupumezuva.

Mugazarerwa ogu gakara asi kwamukwere pampo kumwe nanakufa, kuna kuzuvhika asi kadukire atunde pevango olyo kayihorokerere konyima zehudi, age kakere tahendauka dogoro moutano nye kaupwire yipo kavamukwete.

“Ose katumukwete moutano kaupwire ngurangura, kumwe nomugwana asi yige mudipagi ntani erapoto lyokuninkiliramo mugara gwendi. Age takamoneka kompanguro ngesi momandaha gaaga kagapwire, kwamagastrata moRundu, yimo ana kutanta mukuronagona gomakonakono moKavango zoupumezuva komisara gona Willie Bampton.

Kava yirapotere kovaporosi asi vantu ava kavakre tavalitagwisa morwa yimaliva, eyi kayininkisire mugazarerwa aguse ekatana nokutopagera mugara gwendi dogroro kufa. Morwa age kakere nye noyironda omu gazipitire honde zonzi makura yiyo kadogorokerere poopo.

Awo kwavadivire asi vantu namukadedi namugara gwendi, pampo yimo ana kuuyunga ngoso Bampton. Nakufa kavamudimbwilire asi Thomas Shiyave Kamwanga, gonomvhura 52. Kosihorokwa simwe muruganda goporupadi, kalimusitembe ehauto kumwe nokufira poopo, mosondaha kazipwireko mogarawe zomorukanda rwaKasote, koutokero wodoropa zaRundu. Musingi gehauto TOYOTA, PASSO, kakere tasingi age ana kalidungu marovhu posiruwo oso kasitembe murugendi porupandi ogu kakere asi kapi kavaliyukire nokulina hamene ehauto. Yimo ngoso ana kuyinkondopeke Bampton.

Umbondo wokusinga ntani kusinga oku ana nu yikorwesa kuna tamba nye musingi gehauto eli.

Nakufa simpe vahepa kumudimburura.

LEAVE A REPLY

Please enter your comment!
Please enter your name here