Ozondjou ngazepite!

0
47

OTJOMUISE

Ovature vokarukondua komatoororero ka Daures Morukondua rwa Erongo moresevate ya Tjohorongo, vautire otjimbumba tjotjiwa¿a tjimatjitjiukwa otjo “Kamunokukara Ozondjou Okuzamba”.

Ondando yotjimbumba ihi okuramba ozondjou azehe mokarukondua inga mena ronyoneno nduzetjita nominyo vyou¿epo wotjiwa¿a nduzepandjarisa. Ozondjou mokarukondua komatoororero inga zeyandja ongurunguse kovandu mbehayenene okuryanga otja tjimavevanga nu nandarire averi pozonganda zao mozondjuwo zao mbahara ooma yozondjou inÿa. Mu Tengarindi omayuva tjiyari 20 motjirongo Omungambu mozondendera za Matjete omwinyo womutanda wakonderwa ape ozometera 100 nondjuwo ye. Ihi nai otjikando otjitjavari omundu okuta ondjou nu nambano otjiwa¿a tjaurwa.

Munao otjimbumba ihi opu tjautira okuwonga otjimariva okuza motjiwana, o N$50 motjiuru tjomundu auhe natjiwongo atjihe kumwe N$12,000 tjitjaungurisa natjo ewe romutanda gwaÞa, Lawrence Karitjiukua Hindjou. Munao otjimbumba ihi otjimatjivanga okutja ndoondoo kouharurupu wotjiwa¿a nohambwarakana yatjo kondoneno yotjiungura tjayo tjokutunga ewe romuyaruke. Posya matjitja ngunda katjiyamwina kondjuriro yatjo mena rokutja ondando yatjo okutja ovipuka ovindandi ovihinambindu komutima imbi viisamewe mokarukondua komatoorore inga.

Omuhungirire wotjimbumba ihi, Mbutiki Upendura, matja nai tjavasisa omutjemo wotjiwa¿a ko Ministeri yOvaryange nOkuti nu nai veundja eziriro kuyo. Munao otjimerihekene kotjiwana okuriporinÿa nokuundja tjinga averi popezu nokutona kutja ozondjou inda zeisamewe mokarukondua komatoorore inga kongaaruhe.

LEAVE A REPLY

Please enter your comment!
Please enter your name here