Ombepo, ombura yaisa ovature nokuhina ozondjuwo

0
40

Lorato Khobetsi

Hoachanas

Mombepo ndjitja omundu omundu ovature va Hoachanasa mOrukondua rwa Hardapa vakamburasanene pomake okusekirisa ovararanganda vao vozondjuwo ndanyonenwe iyombepo kombunda reyuru tjirawiririre okarongo inga.

Otja kombara youye imbwi, Petrus Kooper wouhonapare wombazu wova Kai//Khaun, otjingi tjovandu aope 23 vozondjuwo ndanyonenwe vavaterwe iyovararanganda vao poo omihoko vyao. “EÞe okuza ko Hoachanasa tunongaro yokukamburasana pomake momauzeu, katututarere tuvaterasana. Tjigetjo otjitjatjitirwe ozondjuwo indo tjizanyonenwe, twavaterasanene, atukohorora o ozondjuwo natusekirasana,” ombara Kooper matja.

Ngunda omingi vyomitutu vyozondjuwo inÿa avya papurirwe iyombepo, mbari zozondjuwo inÿa zanyonenwe kaparukaze. Ombura ohimise indji wina yatjitire onyoneno komberoo ombe yokarongo inga. Ovipape vyomututu womberoo indji ndjakosa Ozondola za Namibia omangete muvyu vya homokere. Ou¿ingandu kapena ovandu mbaihamenwe poo mbaÞire. Dirk Pienaar matja ndoondoo kwina omwene ngwemusekirisire nenÿuÞu re indu ondjuwo yao tjiyahahaukire kaparukaze. “Mbari kovyungura oruveze indo ombura tjiyahahaurire ondjuwo yandje. Tjimbeere mbavazere ondjuwo yandje ayahahauka kaparukaze. Tjiri hinaa mbari nawa momunyo posya nambano epanga randje naami novanatje vetu vane twatjindire poya mama omwene,” Pienaar matja.

Pienaar wina aatjevere ondjuwo yomuraranganda we oyo wina ndjahahaukire. Warwe wina ngwaihamisirwe omukurundu, Maria Boois, wozombura o 79 nai ngwatjindirire mokapereke me¿e yondjuwo ye ndjahahaukire. Oruveze indo wari mondjuwo puna omukazona we, Justine Boois, omututu tjiwanambirahirwe. “Tjiri twari atwauruma natuutu okuura atuÞara kehi yombete. Nai turi mokapereke mena rokutja ondjuwo yetu kaina omututu nai,” Justinne Boois matja.

LEAVE A REPLY

Please enter your comment!
Please enter your name here