Kuzuha kwa butuku bwa litalo kwa Mutulo

0
40

Helvy Shaanika

Ongwediva-Balimi mwamutulo wa naha baswenyizwe ki kuzuha kwa butuku bwalitalo, bobufenya ahulu likomu.

Butuku bwa litalo (Lumpy Skin) buyambukela kwa likomu mi buzibahala kakututulukisa litalo, ni kuba ni bulumaluma famubili kungelela cwalo lilama zakomu kaufela. Butuku buyambukisezwa kwa likomu ki minaňi ni linzi zeluma.

Lisupo zabutuku libonahala kukala fa mazazi amane kuisa mwa mazazi alishumi kamazazi amane kuzwelela simunanu hasiyambula butuku. Kakuya kaňaka wa mubuso ya inelezi kwa Ondangwa Dr Helena Vaino, uli, balimi babamwi kuzwelela likiliti za Oshana, Oshikoto, Omusati ni Ohangwena babihile kuli likomu zabona likatalizwe kibutuku bwalitalo bobuyambalakana mubili kaufela. Nekushimbilwe mali kwalikomu zekula kuyotatubisa mi kuizofumaneha kuli kiniti kibona butuku bwa litalo.

“Kuyambukela kwa butuku kupahami ahulu mwanako ya cwale bakeňi sa miňata yemiňata ni linzi. Kwazibahala kuli kutata ahulu kukauhanya simunanu sesikula kuzemwi mwalibaka zabulimi bwasizo kono mukwa omunde obakona kueza balimi kikulelekela minaňi kwahule kakufayela milyani kupotolosa sakana ni kutaba limunanu mulyani wa silelezo. Kanakoyeswana baswanela kufa kalafo kwalikomu zesekalile kukula,”kwatalusa Vaino. U ekelize kutalusa kuli, kubulaya kwabutuku bwalitalo akusikapahama ahulu, kalibaka lakuli butuku butwa kalafo habufumani mulyani. Mwanako ya cwale lintolo zamilyani mwamutulo wa naha halina mulyani wabona butuku bo.

Vaino u elelize kuli, balimi bakona kufumana milyani yeswanela kwa lintolo za Agra, mi sintolo sesili bukaufi sifumaneha kwa Oshivelo. U ize kuli, nihaike hakuna bupaki bobusupa kuli butuku bukona kuyambukela kwabatu, kono kelezo kikuli batu batokolomohe kuca nama ya simunanu sesishwile kubona butuku bo.

LEAVE A REPLY

Please enter your comment!
Please enter your name here