Mukoloko wa likolo zehatisizwe ki ba NQA

0
46

Albertina Nakale

Windhoek-Ba Namibia Qualification Authority, (NQA) batabe bapatalalize mukoloko wa mabizo a likolo kaufela zehatisizwe zeo litabe lipahami kwa maofisi atutengo twalikiliti, mwalikolo ni mwamiyaho zamabalelo mwa naha kaufela.

Mukoloko hailiona wafumaneha fa likepe laba NQA la: www.namqa.org kuzwelela Ňulule silimo sesifelile. Mueteleli wa ba NQA, Franz Gertze unitifalize taba ye, kakutalusa kuli katengo kakamaiso katabe kazibahalize mukoloko wa cwanuňu fa wa likolo zelumelezwi ni kuhatiswa kuba zona zeswanela kufa likosi, mwa mwabukanyana yetabe ihasanyizwe naha kabupala bwayona. U talusize kuli seo sizamaelela ni mulelo wa ba NQA wa kubona kuli sicaba sina ni kabelo ya kuziba lisebelezo zabona kuli sicaba sibe nibuikupulelo bwakueza. Mwabukanyana kufumaneha mukoloko wa likolo za Namibia zelumelezwi ni kuhatiswa ki ba NQA kuli lina ni zibo ni liseli leliswanela lakufa likosi zamayemo sakata ni kukona kunyakisisa misebelezo ya baituti babaeza lituto zeo. Kamaniti, haiba sikolo hasifumanehi famukoloko kikutalusa kuli hasisikalumelelwa kufa likosi mwanaha.

“Ba NQA haba nyakisisi pampili ya kosi yefumanwi kwa likolo zesiyo famukoloko wa likolo zelumelelezwi, kacwalo mampili afumanwa kuzona hana kusebeza sesimwi, itaba kwakubata misebezi kapa kuzwelapili mwa lituto”, afa mamela. Kakuhasanya libukanyana ba NQA babata kufa liňusa kwa sicaba, mukwa otabeya likolo zesazibahali faňandaleza zihulu zesweli kuipeya mwamayemo akusebelisa libizo laba NQA kuuzweza banabalikolo mashelenyi. NQA ieleza banabalikolo babakutekeha kuikolwisisa ka likolo zelumelelezwi ni likosi zefiwa zeo babata kushimba. Mwalitaba zemwi, likolo nihaike kuli lizibahalizwe kono bafitelezanga tikanyo kakufa likosi ze basikalumelelwa mukwa osiyanga baituti mwasikapa samiyoko kakuli mampili ebafiwa hana kulumelelwa kiba NQA,”kwa talusa Gertze.

Ba NQA baitukiselize kutusa baituti haba babata kuziba kuli kilikolo lifi zelumelezwi ni kuhatiswa mwa Namibia mane hamoho-cwalo nizeli kwande anaha mi ususuwelize banabalikolo babasepahala kusebelisa lisebelezo zezamahala

LEAVE A REPLY

Please enter your comment!
Please enter your name here