Simpe mukisi gokongo fever vanagugwana

0
37

Kuna kuzuvhika asi mukisi ogu gokongo, kavagugwene hena momuntu ogu kakere morugendo rokutunda koLeonardville aze koKarasburg, yimo ana kutanta ngoso Ministera goukanguki Ndokotora Bernhard Haufiku. Muveli ogu kavamudukisilire kosipangero sepangero saGobabis, yimo ana kutantera ngoso nkera mbongarero zanavenye minister Haufiku. Sihorokwa sonkera kuna reta nye sivaro sisike kwavavali, momukunda gwaOmaheke. Kambumburu aka, vana kutumbura asi “Crimean –Congo Haemorrhagic Fever” omu kava kagwene momandaha omu kayikere asi mugara gonomvhura 26 kadogorokere morwa mukisi ogo.Apa nye kageve mbudi ezi kovanambudi, momandaha, kovantu muyu ava kavakere asi mekeverero konyima tupu apa kavakere asi vana ligwana kumwe nowo vana kara nomukisi, ministera katente asi vantu nye ava ngesi vana mana kuvakona kona aw okapi kavavagwene nomukisi ogu.

Epongo lyenene kalikereko omu ministera nanguuru gomukunda kumwe novandokotora rambangako woyimuna nawo kavakere pepongo lina. Kumwe novandokotora wopaumwene vatare asi ngapi navavhura kurugana kutunda opo. Age kagwedereko asi kambunga kovadivi uhaku ngesi vana vatumu koGobabis muna kara asi vandokotora yipo vakavatere kuhakura morwa vamwe vana vatura nye mekeverero. Mokugwedeka, kuna kuna kumoneka asi sikando sokuhova kwamoneka  moNamibia momvhura 1989.

Mukisi ogu kuna kuhoroka, koupumezuva,wosirongo nakauke. Kuna kumoneka asi kwayitanta pwanare, simwe mo 1989, ntani mo 2001.

Kuna kumoneka asi ngesi nepu yina kuhumu hawe noperesenta 50% mokuparuka ove ono kara asi kuna kuhumu.

LEAVE A REPLY

Please enter your comment!
Please enter your name here