Mugara kadipagere nzovhu mokulipopera

0
58

Mugara gatunga pomukunda gwaMushangara mevango lyaBwabwata National park karoyere kumwe nokudipaga nzovhu gomugara (nkunguru) pokatji konovili 15h00-16h00 mosondaha kazipwire kositenguko morwa mokulipopera mwene. Kuroya kakuhorokere konyima tupu apa nzovhu kazonagwire mahangu mepya eli lyakara asi yilyo atakamesa nokumurera mwenyalyo. Apa nyre kavamene kuroya nzovhu ogo vembo olyo yiyo kavawizire vayatante sihorokwa oso kwange. Ame makura yipo kani geve mbudi kovatakamesi woyimuna, makura yiyo katuzire kumwe tukatare asi ngapi yina yinahoroka.

Yimo ana kuuyunga kansela gomukunda horowero John Thighuru.  Bwabwata national park kwakara evango lyoyininke yokulisiga siga omu komavango gamwe kwatungamo vantu, omu vakara asi kukuna yikunwa yonombuto ngwendi mahangu ntani kwaweka yimuna. Mokukwama mwakansela Thighuru, mugaragona ogu, ogu kalitumbwire mwene asi Timoteus Matjokwe, kavamusigilire uhata mukurwendi George Matjokwe momapeu asi atakamese epya eli, eyi karugene.

Pwanare vanzovhu woma nsene asi muntu aroya meguru, nye posiruwo nye esi nzovhu kakere pepi, tupu karoyere makura age kumwe nokuzuvha edumba yiyo nye kahomokere awize kwendi. Nye kapi vana kulivhura yipo nye kayimwene asi mokutunda moudigu ntudi kuroya nzovhu mwene eyi karugene.

Mukurwendi age kazire nye aka gwane yimaliva yendi youkurupe-yipo nye kasigilire mumbyendi asi atakamese epya lyawo, erago unene, age kapi kavamudipagere apa nye kadipagere nzovhu ogo wokuhupako yiyo nye kavadukire.

Mukunda ogu kwakara gumwe ogu gwakara mevango lyaBwabwata National Park omu vakara vantu kwatunga kumwe noyikorama. Thighuru simpe katente asi evango lyonombuto eli kwakara lyomapata ntambali ngesi lina zonauka unene kosiunda sovanzovhu esi.  Nomvhura nye ezi tuna gwana namumvho, vantu kuna pwaga momambo moomu vavhulire vakalime mapya gomanene nye vanzovhu kuna kuzonagura  nombuto dawo, yimo ana kutanta ngoso nokugwedako Thighuru. Vaporosi vaNamibia ngesi kuna kukonakona sihorokwa sina.

LEAVE A REPLY

Please enter your comment!
Please enter your name here