Ndango zodoropa zagrootfontein kunakara nomakongo gokusika kono miliyuna n$70

0
45

Vatungimo, vanangesefa ntani eoangero kunakara nomakongo kugapakerera gokusika koN$70 nomiliyuna, eyi yina kara asi yimaliva yondango zodoropa zaGrootfontein, eyi yakara asi makongo gomema, kufuta mutero noyihando. Kuna kumoneka asi konyara noperesenta 20% kwatundilira posiruwo sina sirongo sahana kumanguruka.

Ndango zodoropa kuna kutanta asi nsene vatungimo kapi vana kuwiza, vayafute makongo gawo  nayitwaredera ndango zipire kurugan yirugana yazo , yipo nye asi awo kuna kuhundira navenye vana kara nomakongo vawize vayafute makongo gawo .

Evango eli lina kara nomakongo gomanzi unene kuna kara kamba zovakwayita moGrootfontein awo yawo kuna siki ko nomiliyuna N$3. Ose twavapa mapukururo, vantu ndi vanangesefa nampili epangero asi vawize vayafute ano ngesi ndango zodoropa zina tokora asi dogoro utano vahepa navenye kufuta ndi vawize vayaturepo marongikido asi ngapi navafuta makongo ogo.

Konyima nepu kapi vana kuyisikisamo oyo, konyima zoutano, ndango zodoropa tazitameke nye kuza zikapate mema, yimo ana kutanta muuyungi gondango zodoropa Luke Salomo. Ose twakere tatu vafire nkenda, nye aw okapi ngavayimono vene asi vawize vayafute, nose kunakumona asi yinke yina kuhoroka mosirongo kuhamena ekonomi lyetu.

Nye siruwo sina siki asi nose twahepa kuwapukurura nombapira detu doyimaliva, yipo asi nose tugave yirugana yetu kovantu ntani ndango nazo zahepa kugenda moomu yawapera.

Tara nye, ngesi siruwo sokuroka mvhura, yimeno nayinye modoropa yinamene, ngesi tuna hara kuzeresa doropa, nonzira dina zonauka nomumemam gomvhura  gana dizonagura, eyi yina kara asi mulyo kuyiwapukurura eyi. Nayinye oyo kuna pumbwa yimaliva yimo ana kutanta Salomo. Age simpe kadiworokesere vatungimo asi awo navakara tavafire nkenda vantu ava navawiza komberewa vayaturemo marongikido omu navafuta makongo.

Ezi mvhura zokutura nkenye yimwe moyirugana  ntani ndango kuna lituramo mokusikisamo yiruganayawo moomu vayigazarera, yipo nye asi nawo vana pumbwa yimaliva morwa yimaliva oyo ava gwana kominitseli kapi yina gwanene mokutura nayinye eyi tuna hara moyirugana. Yimo simpe ana kutanta ngos Salomo.

LEAVE A REPLY

Please enter your comment!
Please enter your name here