Rev. Katenda kahagekere yirugana yendi moruha rwa angelikana diocese

0
114

Rev. Lukas Kaluwapa Katenda, ogu gakere asi muruti gongereka zaAngelikana moruha Namibia ngesi kahagekere sirugana sendi.

Etundomo lyendi kukwama apa kavatumine nombudi patjangwa komapongero gawo nagenye asi age kapi ana kara hena muruti gongereka zaAngelikana moNAMIBIA, noruha  oru rombindakano zaAfrika.

Mombapira ezi zina kara enyatero lyamuBisofi Luke Lungile Pastos omu ana kupurura asi nongerera nadinye daAngelikana dahepa kuyidiva asi muruti ogu ana hageke sirugana sendi kutunda mo mazuva 17 Murongagona 2017, ano age nye Katenda ngesi gahakara hena asi muruti kombindakano zosirongo saAfrika konongereka nkenye.

Bishop Pasto kapi kahere kugava nawa-nawa uzera asi yinke yinatwaredere dogoro aka hageke muruti ogu, nkenye ogu ana hara kugwana asi yinke ana hagekere muruti ogu gahepa kupura muBisofi ntani mapuro ogo gahepa kukara patjangwa.

Katenda nage kayipulire asi yousili ana hageke kukara muruti gombindakano zosirongo nye maruha gamwe simpe takara muruti. Ame nahepa kuyizeresa ngesi asi kapi ngani hageka kukara muruti mongerek zaAngelikana, rambangako ngereka ezi zakara asi mutwe gwaJesus.

Ehageko eli kuna kara tupu asi lyokombindakano zaAfrika nye kapisi uzuni naunye, yimo ana kutanta Katenda . Ame nanikara ngorooro muruti nye kapisi moruha roubisofi mombindakano ndi asi moNamibia.  Mukaro dona kunaninkisange nipire kukara omu. Kapi kaziremo unene atante asi mukaro musinke guna pilire kuwapa. Age kuna kutanta tupu asi elikwamo lyobibeli ntani ehudiso mbudi yimwe yina kara asi gahepa tupu kutunda moNamibia. Age hena katulire nye etundo lyendi moyirugana monosayitunga  kukwama omu zakarapo veta zawo, nediveta lyongereka ntani omu tupu zakara ngereka ezi moAfrika , ano mberewa zawo zonene mosirongo saNamibia. Katenda katente asi age nagava nombudi nadinye kuhamena ehageko lyendi konosayitunga yipo azerese asi yinke nawa nawa yina kuhoroka, ntani asi ngomuntu vatungika asi muruti.

LEAVE A REPLY

Please enter your comment!
Please enter your name here