Oshikuku kuna kukaza vakaturepo etarururo evhu

0
50

Kansela goruha rwa Oshikukuku, momukunda Omusati  Modestus Amutse, kuna kakaza akatulisepo epongo eli navakatara yokuhamena evhu kumwe negendeso lyorudi momukunda gwendi. Amutse kageve eyi apa kavamupulireko wosayitunga zaNew Era,  nokutanta asi age kuna hara kukatulisapo ezuva nalinye likare lyokuliyongo kuhamena evhu, epongo vana kugazara asi likakareko mosivike sauvali sokwedi kwaMuronga nkuru .

Amutse kuna kukatulisapo epongo eli kumwe navawoministeli zokuwapukurura evhu vakatara asi ngapi navatulisapo elikwamo limwe tupu. Ame nahara mavango gamwe vagature paveta yipo asi kapisi vatureko darate likare lyanavenye. Ntwahepa kutulisapo mavango gamwe asi gongesefa, yimo ana kutanta. Kansela katente hena asi owo nye vana pili ngesi yimaliva kuvhura vayatunge nye konyima apa ngavakagwana yimaliva. Ntani owo nye vana weke  yimuna kapi navakara nomalisiro nsene asi elikwamo lyokumanga darate talitwikire ngorooro ngesi.

Sirongo kuna sitamba mukaro dona kuhamena evhu, mavango gokulisira ngesi kuna kuturako darate, mavango nagenye mazana ntani gakere asi gonkarapamwe ndi asi oku ngavakwata nomfi ngesi kunakugamanga likare asi lyomuntu mwene pamundinda. Ogo yigo nye mavango nahara kupopera apa natukahingira negendeso lyorudi kumwe novarugani koministeli zewapukururo evhu yipo tukalize kumwe. Age katente asi magwanekero nare gatameka, ano age nare kagwanekere navamwe omu gava gwene asi kuna kuhara kumanga evhu olyo, nokuvatentera asi tanko vahamanga vandindire sigongi esi vana kukatura ngesi.

Ntani vanamberewa woministeli nawo navahagekesa asi vahagava tanko nonzapo, komavango gamwe aga gana kara asi monomutangu, yipo asi twahepa kugusapo udigu ou, ntani yipo tutulisepo mavango gamwe asi gompongasano  yipo asi mavango ogo vahaga tura gakara goumwene.

LEAVE A REPLY

Please enter your comment!
Please enter your name here