Mema momukuro kavango nazambezi simpe kuna kuhaza

0
21

Mema momukuro Kavango ntani mukuro gwaZambezi kuna kuhanza simpe unene kukwama mvura zongwa ezi vanagwana mosiruwo sina piti somurokwa. Kukwama nye ava ava gava yitundwamo yomema ndi asi mvhura varugani koministeli zonondima, mema noyitji momandaha gana puko kavageve asi moNkurenkuru, moKavango zoutokero, ngesi kasikandukire mosikondovike no 3.13 metres . Ano moRundu moKavngo zoupumezuva kuna kulikida asi kuna kanduka kutunda po 1,12 sivike sina puko ngesi kuna kara nye po 5.41 metres sivike esi.

Mokukwama nombudi katugwene kutundilira vapumbi, Nkurenkuru, kavagwene asi kamurokere mvhura zokusika ko 106.0 milimetres (mm) kutunda moutatu dogoro mosondaha, ano moRundu 27.7 mm ntani Rundu airport 20.8 mm. Mukurona gwava avatupemomo asi mvhura zokuhura kupi zina rook pwankenye evango Pauline Mufeti, apa katumuulireko momandaha age katente asi simpe mukuro kuna kuhanza morwa murokwa gomuwa ogu kavagwene monomukunda dina nye mukaro simpe agwa wapera kapi pana kara ezonauko nkenye. Age simpe katente asi ruhanzo simpe kuna kuza komeho monomukuro dakara moKavango ntani moZambezi, omu tuna kundindira simpe murokwa gomuwa. Simpe katente asi mema aga kuna kugagwana morwa ruha rwa Cuando Cubango ruha oru orupowoowomwene mema moZambezi . Mema ngesi momukunda Katima Mulilo kuna kara po 0.78 metres momazuva  4 Murongagona 2017, ano kuna kumoneka asi ngorooro ayimoneka siruwo esi. Ruha tuna kutumbura asi Southern African Development Committee Hydrological  Cycle Observing System and Data Collection Platforms nawo kavatente asi mvhura zonzi simpe kuna kuzindindira mokatji ntani muzogo goruhavrosirongo somaparambo saBotswana.

LEAVE A REPLY

Please enter your comment!
Please enter your name here