Kuyambalakana kwa mezi amasila mwa Katima

0
13

Katima Mulilo

Bayahi ba Katima Mulilo bafitisize nonge kuamana nikutokwa mikokolombwa yezamaisa mezi mwa tolopo sihulu hala tolopo kasibili.

Kumakazwa kwabona kutile ahulu cwanuňu fa, pula yeňata isazotibisa tolopo, kafoo balimotikala bafitile fakubuza kuli kikalibaka mani baleli batolopo habapalelwa kusinganyeka kubakanya mayemo maswe atisa kububa kwa mezi apula akopani nizemaswe za mwalimbuzi. Bakwaezi balimotikala basitataliswa ki mukwa wa kukwaeza mwamikwakwa yetezi mezi apula ao balumelwa kuli akona kutisa lisinyehelo kwa limotikala zabona. Kacwalo batalusa kuli, mayemo natokomelwanga mwalinako zakwamulaho kubapanya ni bukachenu le.

“Mikwakwa imwamayemo maswe, ao azibwa ki katengo katolopo.  Lwababonnga kuli basebenga kuyona mikwakwa kono ibanga misebezi ya nako yekuswani feela kalibaka lakuli hakuna mingelo sakata yesulula mezi, kwa talusa yomumwi kwabaluwi balimotikala, Simataa Makumbi. U ize, mayemo afosahezi, kacwalo, nasahupula kuyemisa motikala ya hae kono ufumani kuli akukonahali kalibaka lakuli kiyasebelisa kuipyangapyanga.

“Lutabela kubona kuli babeya mikokolombwa yebubisa mezi kufitela kuli anoyemanga mwa mikwakwa. Limotikala zaluna zasinyeha kalibaka lakuli lulizamaisa mwa mikwakwa yetezi mezi kacwalo kwayepeha,”kwa ekeza Makumbi.

Hakulikwa kuikambota ni Mayor wa Katima Mulilo Georgina Mwiya-Simataa, na kakanyelize bamakande kuisa lipuzo zabona ku muzamaisi swalelele wa tolopo, Patrick Lilungwe, yo nasikafumaneha nako ya kuhatisa  makande, nihaike nasepisize kwa makalelo kuli utabe aikambotile niba New Era. Mayor utalusize kuli mayemo masweakutokwa mikokolombwa yehasanyeza mezi kwahule ya zibahala, kacwalo tolopo ipatehile kueza sesimwi ili kuchimbula mayemo maswe.

U ize, mulelo wa kubeya mikokolombwa seuli fakaufi ni kubuzwa mi lipatalazo zakufa musebezi kwabayahi litatekile kale.

LEAVE A REPLY

Please enter your comment!
Please enter your name here