Tudiworokeni mapenda getu

0
15
New Era Newspaper Namibia
Official Logo for New Era Newspaper 2016 version

Presidente Hage Geingob, katente asi esi natuvhura kurugana yipo tudiworoke mapenda getu kutunga mweyi vatameka nare. Age katanterere vantu mayovi kavakere pepongo lyezuva lyokudiworoka mapenda gara naga gomakadi. Nokudiworokesa asi evango simpangwa sahorokere moOngulumbashe kwareta sitetu momasanseko gosirongo Namibia.

Vakwayita vaSWAPO vakere mepitisiro lyaJohn Ya Otto Nankudhu, kwakere simwe sokuhova mezuva eli mesanseko lyaNamibia. Awo kwahomokerere vakwayita wontundiliro zosirongo saSouth Africa, omu vagwanekerere romuhowo novakwayita vaSWAPO.
“Ose tuna hafa unene mokumona asi nayinye eyi vakondjera nositambo yina siki mouta wakora, omu yina kumoneka nawa nawa. Morwa mukaro gwawo vahana woma, awo yiyonye tuna kuvatumbura nayina asi mapenda, eyi kuna kumonekerera morwa kweyi varugana yareta dogoro nayina ngesi ose kuna kudana nye ezuva eli. Presidente katumbwire gumwe gomapenda Peter Eneas

“Ndilimani” Nanyemba asi gumwe gomapenda ogu gafira sirongo sendi nokutumbura asi epande eli kwarwira sirongo salyo, kumwe nomapenda makwawo. “ Nanyemba kwalikidire upenda wendi. Novakwawo awo kwadivara untu ndi eparu lyavene nositambo asi situmbukira sokumangurura sirongo sikare sokuhova. Awo kwalikida asi mapenda gara nomapendakadi varwira sirongo esi dogoro nayina yipo tuna kumona uwa naunye ou.

presidente simpe kadiworokere mapenda aga gakere asi kapi vakere noutjirwe kovanyengi vawo ano nayina nyose nye ava tuna kudana ezuva eli vahepera vakwetu wovanzi. Mapenda getu gara naga gomakadi, kwafunda ekondjero manguruko, nye kapi vahere asi valiganune, nye awo kwakere tavapurakene kenwi lyompora yipo valikida kuligusirapo yipo nye asi vazuvha nawa nkango ezi eligusiropo. Nayina ose kuna tungu nye moNamibia zokumanguruka pampora. Awo vatambura hena asi veta zahepa kutupangera.

Presidente simpe kahundilire vaNamibia asi twahepa kuhingira tutare asi vakwetu yinke varugene nayivarwanene, morwa mukaro gwawo ose ngesi kuna kuparuka nye nokugendesa epangero lyetu momukaro gomuwa. Yawapa asi twahepa kufumadeka mapenda getu mokuturapo nonzugo dina wapere, nomafano gawo nanayinye eyi varugana, nonsumo, nsene asi sili tuna hara kufumadeka vantu vetu ava twadiva asi mapenda getu. Mokuyirugana nye oyo, twahepa kuvafumadeka mokudiva asi awo kwarwa nokukondjera sirongo sawo esi. Tuzeni nye tudjobwane mpora ezi twagwana twahakara ngwendi vantu vana roroka kuparuka mompora turetepo mukaro dona ogu guna kara asi kapisi yigo vakondjerere vakwetu vatusiga nava simpe vana kuparuka. Twahepa kupandura nahena twahepa kukara asi oyo vamwene vakwetu yahakatengura hena mosirongo setu ngwendi moomu vana kunyanda vakwetu vamwe. Yipo asi mpora ezi tuna kara nazo ngesi nayina twahazitarera, morwa vakwetu kwazikondjera ntani kapi vazigwene noureru. Twahepa kukara asi tuna hafa momunene. Ose mono mvhura dapita kuna djobwana mpora zetu. Yipo asi simpe twaharoroka tuzeni ngorooro nokudjobwana mpora ezi. Vakwetu vamwe simpe moyirongo yawo kuna kumona kanyando omu vana kulidipaga ntani kuna kuduka moyirongo yawo morwa woma tavavadipaga. Simpe yihorokwa yangei kuna kara monomutwe detu nye vanona vantani aw okapi tava vhuru kuyidiworoka oyo morwa kapi vakerepo. Yiyo nye tuna kumona ntaantni asi ose mompora morwa owo vatu pitira komeho kwafira sirongo esi.Presidente simpe kadiworokere kutumbura vagara novakadi vana kara momudwaro gokulifana, nokuvadiworokesa asi awo kwapinga mudigo gomunene, gompora nokuruganesa noveta ntani yipo tukare asi kwahorowora ezuva eli tudiworoke mapenda getu.

LEAVE A REPLY

Please enter your comment!
Please enter your name here