O Namibia rataara mombata youkwatera

I Elvis Muraranganda

O Namibia rataara   mombata youkwatera

Otjomuise

Ouyara wa Namibia nawina ounamasa wotutu twawo warurumine ondjuriro onene ndjiwari anayo okuza kovitjitwa mbyaripo omatuva ngakapita mbyatjama nondjakaha youkwatera yohande ndjarurumisirwe iyovakupasane vevari youye wopendje owo mbari nondoneno mongondjero yavo kutja omwatje wawo ngwakwaterwa mo Namibia marire omukwatera.

Omanakauriro Oritjatatu wOmbungurwaveta yOmarundururiro Woukwatera iyOtjirata tjOtjiwa¿a tjitjatjere opendje nongunÿeveta ku kwe rikutire Oritjavari ondiero yo Kambineta okuyandja ondengero keraa rOtjombanguriro tjOkombambanda okuyandja oukwatera okuura komwatje ingwi otjiraisiro tjarwe tjingetjo kutja otutu twehi twazikama nu katunanwa korupangu. Omutjiwe wozongunÿeveta watjere ovitjitwa imbi “ondo¿eno kouyara”.



Otjirata tjOtjiwa¿a tjitjiri otjikonÿonone tjozoveta ozombungurwa ndazu kOmbongarero yOtjiwa¿a, Oritjatatu tjarisire Ombongarero yOtjiwa¿a okanyonyosa okatarazu tji tjatjere Ombungurwaveta indji opendje nongunÿeveta tji tjaraisire kwimba mbetjikwekurura kanaa tjinakaura kangamwa ihi Ombongarero yOtjiwa¿a kutja tjesere ondaya. Ombungurwaveta indji yakongorere ongondjero yokunata eraa ro Tjombangururi tjOkombanda Mbanda mu Ngarano tjiyari 23 eraa indi ndaraa kutja ohoromende okuyandja orutuu rwongatero rwa Namibia okuura komwatje ngwakwaterwa mo Namibia iyovanene mberi ovakwatera vouye wopendje. Yari kombunda yaundu etundu ra De Wilde tjirananena oministera yovitjitwa vyomoukoto wehi Pendukeni Ivula-Ithana kotjombanguriro mokupanda okupa omwatje waro, Bram, ngwakwatwa mu Seninani tjiyari 27 mo 2009 orutuu rongwatero.

Ovatjiwe vozongunÿeveta Oritjatatu vahakahanene okurakiza kutja Otjirata tjOtjiwa¿a navarwe motjiwana mbakondja kutja Ombungurwaveta indji inakaurwe, okuhina kungunda ama venyandere ondo¿eno indji. Omena orkutja Ombongarero yOtjiwa¿a ndoovazu inongamburiro kutja komautiro oyo yari nawa, maiyenene okurangaranga kozondunge nÿuyapewa naihindi ombungurwaveta indji ko peresidenda kutja itwako omunwe kembo ndoovazu otjingi tjombari kombando ndatu younepo watjo vayandja omaraka wawo kokutwara ondjira indji.

Oritjatatu Otjirata tjOtjiwa¿a tjayakurire orapota yokomite ondoororwa okuza nokutyasana nokuhoveka mo omaumune womutjevere wouhazendu momaunguriro wovitjitwa vyohoromende, ngukuza o Ombudsman, John Walters; woka¿epo kOtjirata tjOzohahende tja Namibia, Essi Schimming-Chase; Nico Horn wo Nganda yOmahongero wOkombanda indji o Unama; ohahende yomausemba wovandu Norman Tjombe no tjiuru tjo Legal Assistance Centre (LAC), Toni Hancox.

Tjazeuparisire orapota indji, oka¿epo ko Swapo mOndjuwo yOzoveta, Cletius Sipapela, waraisire kutja omatorokero wOngunÿeveta yasere okwiisiwa ko Tjombanguriro tjOkombanda Mbanda mena rokutja ondjuwo yozoveta kanaa iso kurira omunyande tjazunba momwinyo tjingewo wina airire ohiva. Wapambarere kutja omirari tjingevyo mbyaunguririwa okuyandja oukwaterwa wa Namibia komwatje wozonyose ya America yozondengura, Brad Pitt na Angelina Jolie vyasere okuungurisiwa okuyandja oukwatera kuvarwe mbumavepaha oukwatera komapu tjingewo.

Okuzambo Sipapela wa yandjere ondunge kOtjirata tjOtjiwana kutja tjiraise ouzeu watjo kondimwa yombungurwaveta indji nokwii yarura kOmbongarero yOtjiwa¿a oku katara mo rukwao mondimwa yayo ndjiri ondunge ndjiyaakurirwe iyounepo auhe mbwari po.
Katjisupi kombunda yondiero indji Horn waraerere o New Era kutja: “Nandaku ombungurwaveta indji yayakurirwe nairire oveta atjaivaza otjombanguriro tjOkombanda Mbanda rukwao.” “Meso kutja ndoondoo kOtjirata tjOtjiwa¿a okunakaura ombungurwaveta indji nokuhina okupaha omapu wokwiiyakura mena roungunÿeveta poo wouveta.” “Indji onÿoneno kOtjirata motjiungura tjatjo otjondjuwo yokukondonona, mena rouyara wokukara norupa novandu vehindi.”

Horn wapambarere kutja: “Otjombanguriro tjOkombanda Mbanda uriri otji tjina otjiungura tjokutoroka Ongunÿeveta nu Ombongarero yOtjiwa¿a maikondjisa okunata omatorokero inga noku yerundurura otjo tjitjahsere okutjita.” Omuhaamise wOvihavero vyOmbongarero yOtjiwa¿a, Peter Katjavivi, ngunda keya yakura nokurihonga ondjivisiro kaa¿i okuza kOtjirata tjOtjiwa¿a ohunga nokutja ombungurwaveta indji mai hungama pi. Posya eye wapambarere kutja pena omirari momazeva nozongutiro ndepa Ombongarero yOtjiwa¿a omasa okuyauza ondimwa yombungurwaveta nokwii kapitisa kotjiuru tjehi okwiiyakura ndoovazu pondondo yoma konÿoneneno wayo kape karere omarundururiro.

Omuhaamise omukuru wovihavero vyOmbongarero yOtjiwa¿a, Theo-Ben Guriraba matja Ombongarero yOtjiwa¿a aruhe iungurira momasa wayo otja tjiyeyepewa iyOngunÿeveta. “Ngahino orondu tjimohungirire kepu roundu woundu ngahino otji matuhungirire ko- posya moveta kanavi mena rokutja Ongunnÿeveta ongahu kutja omasa ayehe wokumema ozoveta yena Ombongarero yOtjiwa¿a,” Guriraba matja.

“ Tjitwa haama mozonbongarero zetu oveni zotjira tjo Swapo zovanane zorutu oukayendise vyovyungura nokomiti yomondivitivi ami wina mbipaÞasanisa tjimuna ovandu imbo posya owo kanaa veso okuhungirira koundu woundu nu vasere okutara kwimbi nai mbiri moveta.”

OMBUZE-2 OMBUZE-3

Leave a Reply

Your email address will not be published.