Ofisi ya sipokola ya sikiliti ikwaluzwi mwa Katima

0
21
Yenca... Kuzwa nzohoto, Ignatius Nkunga, muelezi ku mueteleli wa sikiliti, Inspector General wa sipokola sa Namibia, Sebastian Ndeitunga, Mayor wa Katima Mulilo Georgina Mwiya-Simataa ni Likwambuyu wa liluko Labuiketo ni Silelezo, (Rtd) Major –General Charles Namoloh,

Katima Mulilo

Ofisi yenca ya sipokola sa Namibia mwa sikiliti sa Zambezi ikwaluzwi simubuso Labune lelifelile ki likwambuyu wa Liluko Labuiketo ni Silelezo (Rtd) Major-General Charles Namolo mwa Katima Mulilo.

Muyaho omunca okwaluzwi uyahilwe mwamyaha yemilalu famali afita fa N$41 million. Hanabulela kwa mukiti wa kukwalula, Namolo nalumezi kuli kuyaha muyaho kwa tula, mi kacwalo utaluselize limembala sa sipokola ni sichaba kaufela “kubukeleza muyaho obatiselizwe.” Namoloh hape nanitifalize kuli, muyaho omunca kisisupo sakuli muuso uitombozi kumbweshafaza mipilelo ya limembala za mpi ya sipokola. “Nina ni sepo ya kuli, muuso utazwelapili kutatulula linongosi za limembala zaluna za mpi ya sipokola.

Kuitingile kuluna kaufela kusebeza kabutali, busepahali ni tundamo mwa misebezi yaluna,”kwa tiiseza Namoloh. Maikuto a Namoloh nakilwe atazelezwa ki Inspector General wa sipokola sa Namibia, ya naitumelezi kuli, sipokola sitalimani ni kutokwa miyaho yakusebeleza, kamukwa ocwalo batalimani ni butata bwakubeya babeleki mwalibaka mobatokwahala hakalo. Ndeitunga uzwezipili kutalusa kuli, kuyaha muyaho ocwale ka muyaho wa sipokola sa sikiliti sa Zambezi kutatusa sipokola kukona kuhasanya mapokola mobabatahala.” Limembala mwa Zambezi nebasebeleza mwa muyaho osupezi kamitolo, kacwalo nebatalimani ni kutokwa masebelezo sakata. Muyaho osupezi hausali mwamayemo sakata akuba ofisi ya sikiliti,”kwa talusa Ndeitunga.

Kuzwa kuzeo, muyaho omunca unani ma ofisi a mashumi amane kama ofisi amabeli (42), mandu amabulukelo asupile, ndu ya kuezeza mikopano ni ndu ya kukungulela libyana.

LEAVE A REPLY

Please enter your comment!
Please enter your name here