Hapo ondjesiro yOtjiÞiro Otjindjandja mai¿uka ¿uka?

Omutjange wOngoramambo

Otjomuise/O Berlina

O Berlina otjikando otjitenga kotjiveta yaisana oviÞukaungura mbwatjiirwe iyo vimbumba vyondjururiro vyehi rOvandoitji moruveze indo ndari o South West ÿAfrica yOvandoitji, ndino ndiri o Namibia, otjo TjiÞiro Otjindjandja natjiraisa kutja ehi rOvandoitji mari ningire ondjesiro kovitukaungura imbyo.

Ongoramambo yeyuva indji o Frankfurter Rundscahu Oritjavari ya tjangere kutja ohoromende yehi rOvandoitji momatjangwa wokotjiveta yatamuna omazepero wOvaherero nOvakwena momautiro wozerewondo oritja 20 otjo TjiÞiro Otjindjandja. Omuhindwa wapeke wa Namibia mondiasaneno yOtjiÞiro Otjiandjandja nOtjisuta, Onongo Zed Ngavirue, Otjitatu watjere owo kaveyamuna omatjangwa wokotjiveta ngahindwa kuwo okuza komunda wOvandoitji ohunga nondanaukiro momuhunga namo matemeno nombosiro yomambo.



Ngavirue watjere ombepo ndjayakurwa iyOmbongarero yOtjiwa¿a kaina pu ihungira ohunga nokunanena ehi rOvandoitji komayapururiro posya ihi katjina kutjayera o Namibia okutjita nao. Watjere ohoromende ya Namibia yatoorora okupaha omazengururi kepu indi wongaro yomaunguriro kumwe pokati komahi posya ihi katjine iokuheya kutja ehi karina omurari warwe woveta ndoovazu kangamwa avihe kaviÞonene.

Otja ko Frankfurter Rundscahu, ohoromende yehi rOvandoitji ngunda aperi nao mai panÿere pokutja mo ma pingahasaneno yomambo wo ma kuruhungi noporotika, Otjitiro Otjindjandja wina matjiyene okutanaurwa momwano mbuheri “womoveta” puma peheye kutja nandarire kutja peya ombosiro yarwe momabo kapena kungororera ovyoharive moveta nehi rOvandoitji. Posya omatjangwa ngatjikisiwa iyohoromende yehi rOvandoitji maye pambarere kutja omatyasaneno nohoromende ya Namibia kaye yandja ombango ko ku yarurapo poo otjisuta tjingetjo ihi tjitjayandjwa kwimba mbaihamwa mOtjitiro Otjiandjandja tjOvayuuta.

Operesidenda yOndjuwo yOzoveta yehi rOvandoitji, o Bundestag, Norbert Lammert, mu Suramazeva ombura ndjazuko waisana porutjandja ovitjitwa vyehi re mo Namibia oruveze rouhuura otjo TjiÞiro Otjiandjandja. Watja omazepero otjinyonÿi wovakwatera va Namibia ozombura ape esere nÿakapita yasana no “TjiÞiro Otjitandjandja” tji tja tumbuka “movita vyoumuhoko” nOvaherero nOvakwena vaengerwe okuzemisiwa kouÞiÞi ÞiÞi motjineya.

Ehi rOvandoitji nambano mari rongerere okuningira ondjesiro kotjiveta kOtjomuise kOtjiÞiro Otjindjandja tjiya tjita eserewondo ndakapita, omukazendu omuhungirirepo woministeri yovitjitwa vyopendje Oritjatatu watjere nao. Posya aweza ko kutja okukambo imbwi kauna orukoka rokuyarurapo imbi mbyapandjarwa. “ Matuungurire oruyano pamwe nduna ovi¿enge imbi: ovihungiriro pamwe vyovitjitwa vyo makuruhungi nOndjesiro yOvandoitji kovitjiwa vyao mo Namibia,” Sawsan Chebbi wa raerere ovawongo vozombuze.

Oruyano indwi puna ohoromende ya Namibia maruyenene okurira otjirondero tjongutiro yondjuwo yozoveta, watjere na weza ko kutja posya omukambo imbwi kanaa utanaukire motukoka twokotjiveta tuma tuhungama ehi rOvandoitji. “Kepura rokutja mapekara okuyarurapo poo otukoka two veta, katupo. Ondjesiro indji kaina kuya opuna otukoka kaani two kutja omakuruhungi matuye tjindi noku yeyarupa po vi,” Chebbi watjere.

Ovakuramenepo vozondekurona zaimba mbaihamisiwa ohomonena iyOtjiÞiro Otjiandjandja tjingetjo varaisire Oritjatatu kutja mavezirire kongurameno yehi rOvandoitji indji omayuva ngumayeya. Omukuranepo wehi rOvandoitji mo Namibia, Christian Schlaga, kaa munikire Oritjatatu okuyandja oumune we kondondo ombe indji epu indi puravaza posya omu muhungirirepo watjere mazirire ko erero posya ahazirire ko tjandje una ovyungura vyarwe. Erero ngurova omutjange wo New Era Elvis Muaranganda otjari ama kahakaena na Schlaga.

Leave a Reply

Your email address will not be published.