Geingob kakasikire mosirongo saBotswana

Geingob kakasikire mosirongo saBotswana

Presidente Hage Geingob nkera kaksikire mosirongo sovaparambo saBotswana, modoropa zawo zonene Gaborone, momazuva gatatu gana kara asi gokukadingura paveta.

Age kazire morwa mukwawo zendi gwaBotswana gamuzigida Khama Ian Khama gosirongo sina.
Age kuna kumundindira aka kare nomaliyongo kumwe namukwawo zendi monzogera zomokahorehore ntani kukauyungisa mbongarero zanavenye zaBotswana.

Edinguro eli kuna kara asi mulyo unene mokukatwikira kutulisapo malizuvho aga gakarapo nare pokatji koyirongo eyi yivali asi ngapi navagatamununa.



Mokukeverera malikwamo asi ngapi omu nagaza mosirugana, pokatji koyirongo eyi yivali, ntani kutara asi yinke mpamwe navavhura kugwedererako omu navaruganena kumwe.

Morwa mukaro nye gwangoso, hawe yirongo eyi yivali yahepa kutura malikwamo mosirugana, awo ngesi tavakanyatera malikwamo gokuruganena kumwe goyirongo nepangero. Secretary gonombudi momberewa zaPresidente Albertus Aochamub, katente eyi mombudi zonsupi kosirongo.

Epongo lovaNAMIBIA ntani vaBOTSWAN lyovanangesefa, talikarako nayina yipo yilize kumwe nomudingu ogu gopaveta.
Geingob kazire kumwe novaministera ava vana kukwamako, Immanuel Ngatjizeko, gonongesefa, Alpheus !Naruseb, gononzira, John Mutorwa, gonondima, Obed Kandjoze, gonomina ntani Tom Alweendo,gomomberewa zaPresidente paEkonomi.
Ntani novanamberewa vamwe vemepangero wovakurona.

Leave a Reply

Your email address will not be published.