Matits aitsama nî ║khaubasen

׀Ae║Gams

Khoena xūna ׀gai׀hanas ge ║îb a suwu ׀gaub ╪khawadī-aon mari kurus !aroma ra sîsenūba. ׀Nî khoen hîa nē mâsigu !nâ ra ╪gan ge ║în aitsama ra gârese !ē!khō !khais xa !aromahe hâse ׀unis ai ­║în ׀guina ╪oa!nâs ׀khāb ai ra hōmâsen.

׀Gai׀hana-ao-i nî sa ûiba !apu-i ׀kha !aorosasib !nâ mâis kara, os ge sats nî ║î-e mati !norasasa ׀gaub !nâ ║nā !apu-e ū-ai ׀gau-i soa-e kaise a ╪khari, ║nā-amagats ge nî dītsâ ║khāts as kōse tsamtsise tanisensa. Sats nî !huri tsî !aob xa ׀homa׀homasens kara, o-i ge ׀gai׀hana-ao-i tsîna ra !huri tsî ║nā ║aeb ai a tsûtsû tsi ║khā. Sao radi ge ׀nî hui!nâdi, ׀Ae║gams !ā!khōmais ׀Awa!namn ׀khāba xu hâna satsa aitsamats nî ║khaubasen ║khāse a hui ║khāna:



Sa ╪namipeb !nâ ra īna ╪an. !Aroma- e ūhâse !gûma, danasa !hâkhâi tsî kōma.
!Nâba ūhâ !khaigu ai !uia hâma. ׀Gai׀hana-aon ge mûhe ╪gao tama hâ.
╪Gui !gôab !nâ hâmas !norasasib ge ╪gui !gôab hâpa a ║awo║awosa.
Tarekhoedi hîa mari║garude ra tanide, sa soros ׀gūse !khō׀gara.
Tā sa mari║garusa mātare-ai!khaib tāb ai ║gui tamas ka io ╪û׀harus !nâ ╪gā.
Aorekhoegu ge ׀gam mari║garura ║îgu ׀khāb ai tanisa nî ╪âi!gâ, ׀guis nē ׀gamra dis ge !gao ╪׀khari╪kharisa ╪hawerogu ׀kha nî ׀oa׀oasa. !Nāsa ׀gai׀hana-aogu ge ║nā ║aeb ai ║garu-e kō!nâ tama hâ !norasa !khai-i aib nî sīs kōse.

╪Khaigari hâbasen re ׀gapi╪gan׀gauba ūhâ !namn, ׀khunu╪nûidan tsî !ganudets nî anas karao.
Kōbasen tsî xū-e !âubasen hâse hâ khoen hîa mâmâs ׀guisa mâ !khai-i hoa-i ai ra hîn, !gōsase mātare tsîts ra ║khami ║â║awan tawas, ׀hûhâsib ╪khari-omn, sîsen!khaigu ╪gâ-amdi tsî !khau║nuib ra ║haihepas tsîna.

╪An╪an ׀awa!namna ║nāti ī !hao khoen hîa sa oms ╪namipes, hâ!khaib tamas ka io ╪harugu!khaib ╪namipe !aromao!nâse ra hâmase a mûo. Sîsen׀hao ׀awa!namn ׀kha sats nî ׀gai׀hanahes kas tamas ka io ׀nî khoe-e sats ra mû hîas karao, o nēsa !hae ­aeb !nâ ׀awa!namn tawa !nuri.

Tā ׀gai׀hana-aon nî satsa xu !gâiba ׀ama !khaisa mā-am re, sa ׀khāb ai ╪auna !gôab !nâ hâ marina tanis tamas ka io kredit kardn ׀kha hâmas ׀kha.

Sa tsēkorobe dīxūna dawa re, ai║gause tā tsēs hoasa ׀gui ׀gaub ai ׀gui ║aeb ai xūna dī, !gû daoga dawa tsî ║nāti. ATMsats ra sîsenū ║aeb ai aibe kō, tarin sa ╪namipe ra hâmasa. Ī║khāsib kara hâpa, ╪harugu!khai-i, ai║gause ╪ûna ra ║amaxū-i khami ī-i !nâ ╪ganaga mâ ATMsa sîsenū.

Leave a Reply

Your email address will not be published.