Geingoba, Pohamba mavekara pomazemburukiro wOvambanderu

by Kuzeeko Tjitemisa

Geingoba, Pohamba mavekara  pomazemburukiro wOvambanderu

Otjomuise

Operesidenda Hage Geingoba wayakura omanangero wOuhonapare wOmbazu wOvambanderu oku kakara pomazemburukiro oyetja 120 wOvita vya Tjunda nomatwirikiro komuti wombara Kahimemua Nguvauva.

Okuzirira koma¿angero wa Gerson Katjiturua,  omuÞize wotjihavero tjouvara wOmbanderu, Geingoba watja wasusuparisiwa iyo manangero inga neye otjeri kovipato oku kakara potjitjitwa otjina makuruhungi ihi.  Omasere nomasere wOvambanderu tjiva okuza kOtjauana na South Africa maveworonganene mOkahandja oamyuva womasuviro inga. Tjiyari 12 ku Ngarano mo 1896 ombara Kahimemua Nguvauva otja turikiwa komuti iyouhonapare wohuurire ehi rOvandoitji.  Ovahenendu varwe mbuma veundjirwa oku kara povitjitwa imbi eengwi ngwari operesidenda Hifikepunye Pohamba, o Ministera yOmekurisiro wOvihuro nOkozombanda, Sophia Shaningwa, ombara yOuhonapare wOmbazu wOvamafwe George Simasiku, ombara yOnganda yOuhona wa Maharero, Tjinaa¿i Maharero nombara yOnganda yOuhona wa Zeraeua, Manasse Zeraeua.



Ombara Kahimemua Nguvauva wari ombara yOvambanderu mehindi oruveze indo ndaa ritjiukwa otjo South West Africa yOvandoitji. Wakwatererwe mOmusorokuumba, ozolirometa ape 18 koutokero wa Kahandja narire omunane wOvambanderu koutjiro wa Namibia. Wanana Ovambanderu mokupirura ohuurire yOvandoitji movita mEpako na Tjunda mOrukondua rwa Maheke mo zombura inÿa nÿumazeutire mombura indji o 1890. Munao eye otjahumisiwa otjo mupirure mena rokutja wasekamenene ousemba wovandu we nowini wao.  Munao otjarira omundu omukongorerwa nu kotjiru tje akutuwa ondjambi yokutja kangamwa auhe ngwe mukambura nemuyandja kouhonapare wOvandoitji, mapew otjimariva tjoharive iho kutja wemuyandja nowinyo poo watwara otjiuru tje kouhonapare imbo.

Mo 1896 ovita vya Tjunda otji vyaruwa. Kahimemua wakamburirwa po Kalkfontein na tatumisiwa korutu notjomukamburwa womovita atwarewa kOkahandja eye puna Nicodemus Kavikunwa puva kahayerwa iyorupa oruyahe wOvandoitji tjiyari 12 ku Ngarano.  Eyendo ra Kahimemua riri momuvanda imbwi o Kahimemwa Nguvauva mOkahandja.  Tjiyari 7 ku Tengarindi mo 1980 eyendo re indi otjirarisiwa otjirumatwa tjotjiwa¿a. Omuhungirirepo wOuhonapare wOvambanderu, Uazenga Ngahahe, waningire otjiwana tjOmbanderu atjihe novakaenda va punatjo okuworonganena mOkahandja otjehapu rozonwitji okuzembrura eyuva enene nene rOvambderu indi. “ Metie kangamwa auhe Omumbanderu okuya kutja pamwe tuzemburuke onÿiro yozombanga¿e zetu nÿaawa,” Ngahahe matja.

Pendje nomazemburukiro Ngahahe amtja mapekara otvitjitwa vyarwe ovingi ovyo nai mbiri momatiasaneno. Okuza kerero ovandu otjivasere kutja vautu okuheruka mOkahandja pokomando okuu okurongera eyuva enene indi. Komurungu Ngahahe wananga omauhonapare warwe wombazu mehi okurikwamba komazemburukiro inga.

OMBUZE-2

Leave a Reply

Your email address will not be published.