Ba Nantu bayemisani mwahalimu ni muuso kuamana ni lituwelo zabaluti

Windhoek

Malobanyana muuso ukupile bakamaiso ya katengo ka baluti (Nantu) kukona kusebelisa likalulo zelikwateni kutatulula taba ya likekelezo za baluti kamukwa wa kozo.

Ze litile Lamubulo kasamulaho katengo katambeka muuso litaelo kuisa biki yetaha Lamubulo kuli bapundulule mulelo wabona wa likekelezo za lipesenti ze ketalizoho. Hana bulela kuba makande mabaani, muňoli wa kashandi George Simataa uize, itaba kashwau kuikambota kamabifi kamo muuso ulikile kamokonela kufa lituwelo zeswanela ni likabelo zemwi kakutalima mayemo a sifumu kanako ya cwale. “Ki kacwalo, kukupiwa ba Nantu kuamuhela kekelezo yeo muuso ufile, ye amuhezwi ki buňata bwababeleki kakuyemelwa ki bayemeli babona ba katengo ka Namibia Public Workers Union, (Napwu),”kwa talusa Simataa. Mwa musulo wa silimo sa 2016/2017 muuso ufile likekelezo za lipesenti ze lishumi kwa babeleki bamwahali alituwelo za grade 15 -13, lipesenti ze ketalizoho kuba lituwelo za grade 12 kuisa kuba grade 5 kubeya lipesenti zene kuba lituwelo za grade 4 kuisa kuba 1A.



Kakuekeza, muuso ukambekile lipesenti ze supile kazepeli fa pene yamandu kwa babeleki kaufela, lipesenti ze supile kapesenti ilimwi fa mandu kwa bazamaisi kubeya lipesenti zelishumi kwa kalulo yakuleka mandu. Nihakulicwalo, ba Nantu balaela kuli kube ni kekelezo ya lipesenti ze silela kubeya lipesenti zesupile kusina kutusa kwa likekelezo zamandu kwa likwata zebulelwa. Muňoli yafeleleza wa Nantu Basilius Haingura Lamubulo u ize, “haiba kupo inze ipala, lutabe lulibile kwa ofisi yebona zaliňoňoleho za babeleki kuli kube nilingambolo.  Lamubulo kakusasa ba Nantu ni bayemeli bababeleki ba muuso ba Napwu nebaikopanyize ni mubakweli ku mueteleli wa naha Dr Nicky Iyambo kuikopanya kaza likekelezo zalituwelo za babeleki batuto mwa musulo wa silimo sa 2016/2017 kungelela 2017/2018.

Haingura uize, sikwata salingambolo habasikafita fatumelelano kalibaka lakuli muuso usayemi fakalulo yawona ya lipesenti zeketalizoho. Kono Simataa maabani utalusize kuli ba Nantu nebataluselizwe haňataňata butata bwamali ao muuso utalimani nibona, bobukopanelezi ni linanga lelizwelapili, kutokwa misebezi mwanaha kokupahami ni butokwa bwa mubu wa mayahelo mwanaha.  U ize, muuso usupelize chiseho yakubata kutatulula taba yalituwelo kakumema mubakweli kumueteleli wa naha mwalingambolo zeneli kwateni. “Muuso hauna mali hande kukona kutatulula ze batokwa ba Nantu kaliba zalika zemwi zabutokwa zeswanelwa kuukumalelwa kuzona,”Simataa atalusa.

Kwa ngambolo ni bamakande Lamubulo, Haingura ukupile limembala zakatengo kahabo kuba nipilu telele, kakutalusa kuli mulelo utokwa kulatelela mulao otomilwe pili kusikangiwa kale mihato. “hape mukupiwa kuswalisana, nikuba ni mulelo ulimumwi, kusalumelela bamuisilingo kumikena mwahali,”atiiseza. Na ize, milelo ya mikopano kuamana ni lingambolo likana lizwelela mwa ofisi yahae kuliba maofisi mwa naha kabupala. “Nako ifelile yakufetulwa limbongolo,”aekeza.

Leave a Reply

Your email address will not be published.