Vanonagona kadona kuna kara noudigu mokureta vakeke

Mbunga vanakutumbura asi United Nations Population Fund (UNFPA) simpe kazirugwilire mukarodona nsene asi mukadona akara nomarutu gavali age simpe munona, eyi vamona awo asi kukamona udigu pokureta mukeke. Yitundwamo kuna kulikida asi UNFPA kuna kulikida asi nomfa morwa pokuhapuruka kuna gurumuka unene nomvhura dina kukapita. Nye kuna kara asi konyara vakadi wokusika ko 300 000 kudogoroka awo nomazimo ntani pokuhampuruka morwa vanona. Mokugwedako,konyara vakeke wokusika ko nomiliyuna 3 kapi ava paruka yivike yitatu kutunda apa ava vahampuruka. Sinzi sovakeke owo kufa unene moyirongo yakukura, mokukwama yitundwamo ya UNFPA. MoNamibia, noperesenta 19% zovakadi wonomvhura 15 dogoro 19, nare vakara asi nomarutu gavali. Mazimo gokupira kugazara unene kovakadonagona, kuna kara udigu meparu lyawo lyokomeho, ntani ekoro lyawo, yimo ana kutanta Israel Tjizake goko UNFPA. Age simpe katente asi vakadona nye owo vana kukara nomazimo kapi ava mana elirongo lyawo ntani egano nye lyokutwara ekuliko lyawo komeho kukara momudona. Vanona vahepa kulironga yipo asi erongo lyawo livavatere, vakare noudivi yipo varumbaane koyirugana yomo uzuni awo vana kara noudivi. Tjizake ogu kauyungire pedano lyezuva lyovareti, katere simpe yitundwamo youkanguki vakona konene moNamibia mo2013, vagwene asi 94% vakadi vahepa kukara medeuro nsene asi kuna kara nomarutu gavali nsene asi mukeke gokuhova. Kwagava asi vakadi wokusika ko 74 666, mo2013. Ano yiruganeso youhaku kwakere nye 80% yimo ana kutanta Tjizake. Mokukwateramo Ministeragona gouhaku, Juliet Kavetuna, Ester Nepolo, munasipundigona gombunga zaimana,(Independent Midwives Association of Namibia) katente asi vakadi nye vakara asi kwalironga kukara tavadivako Yuma keparu lyawo siruwo oso awo nomarutu gavali ntani kudiva asi ngapi navatekura vakeke vawo. Twahepa kulihameseramo merongo yipo tukare novadivi mokukara asi nomarutu gavali ndi vadiveko Yuma kuhamena mukeke ndi asi yinke yokuvhura kurugana nsene asi ono gwana ezimo ove simpe omu sesugona.

Leave a Reply

Your email address will not be published.