Orutjindo, ozombanga¿e za Tjombinÿe maze zemburukwa

Orutjindo, ozombanga¿e za  Tjombinÿe maze zemburukwa

OTJOMUISE

Omayuva womasuviro ngumayeyende otjiwa¿a tja Tjombinÿe kehi yOmananeno wOtjiwa¿a tja Tjombinÿe matjikara nomazemburukiro worutjindo nomaturiro watjo kouye imbwo.
Tjiyeri 28 ku Kambundu eeyuva ndakekwa komazemburukiro nambano ngumayetjiukwa otjomazemburukiro wovakandjira yorujtindo rwa Tjombinÿe nawina ovakandjira momekurisiro watjo. Eyuva indi poo omazemburukiro inga yauta mo 1994 otjeyuva romunane omutenga wehindo, Eliphas TjingaeÞe nu mo 2014 aririsiwa eyuva rozombanga¿ azehe za Tjombinÿe. Omwze imbwi Kambundu watoororwa mokutja Tjingaete omakwatwa nu wina omapakwa; Tumbee Tjombe oomweze mazikwa otjombara ya Tjombinde nu tjingetjo ingo nguri motjihavero ihi nai, Ombara Tjingaete. Tjingetjo wina imwe yozombangane zehindo, Levy Nganjone omaÞa. Otja kommbara TjingaeÞe okuzamba omazemburkiro inga mayekara ko ombura aihe omweze tjingewo, Kambundo, ongondoroka nomayuva tjiyeri 28.
Ndinondi ovimbumba otjimaviundjirwa okuuhara nokurara amavirauka mOtjovazandu nu muhuka ovitjitwa vyomazemburukiro otjiviriko. Indi muhuka ovimbumba mavizu pokomando yerapi rOtjiserandu avikatanauka petjo rozombangane amaa vikotoka pokomando otjiungura tjiute. Ngumayakura otjiwana nozonduna peke peke orate yOkarukondua ka Tjombinde kOmatoororero, Katjanaa Chester Kaurivi tjazumba apekara omahungi peke peke mumuna ehungi rOtjitiro Otjindjandja, omitanda vyOvaherero norombwiko ndimariyanjdewa iyomuhenendu Ranongouje Tjihuiko oka¿epo okakuri kOmbongarero yOtjiwa¿a.
Kombunda yeriro romutenya okuza mombari ape kongorere ekuruhungi ra Tjombinÿe nu kuwo akuhondjo mahungi wozombara zomahi nu kombunda ya nao yozombara za Tjombinÿe otjini, Tjiramba, Kavezepa, Kahuure na Sofia. Tjazumba apeya ehungi rOmbara Otjitambi yOvambanderu, Omuara Konduaa Nguvauva nOmbara Tjingaete nu okupata arire Ombara Otjitambi yOvaherero, Vekuii Rukoro. Tjazumba ngurova apetokerwa nokurara omaimburiro.
Osondaha ovimbumba mavi pendukire po komando pumayendjwa ozongombe tjazumba ozongaoha nombara otjitambi averi etumbo.



Leave a Reply

Your email address will not be published.