Unam kageve nonzapo kovahakuli

0
15

Mugendesikurona gonkuru sure, UNAM Profesa Lasarus Hangula, katente asi awo kuna kugava nzapo zounalirongi kwaAuguste Petrus, ogu ana kara asi kwarugana nawa mvhura ezi melirongo lyendi ogu gakara asi age kwalyata navenye mosirongo setu esi saNamibia.
Nzapo ezi kuna kara asi yiso siruwo sokuhova kuzigwana moUNAM, ruha oru rokomuzogo. Nzapo ezi kuna kuzigava komuntu ogu ana kara asi age yironga yendi nayinye kwayipita no noperesenta 70% nayinye oyo galironga, kutunda mvhura zendi zokuhova dogoro ngesi.
Nye kuna kundindira asi vamwe ngesi kuna piti mosinema sokuhulilira no 80% yirongwa nayinye, nye aw okapi vanarugana nawa nomvhura dimwe. Petrus age kwagwene hena mezuva olyo nzapo zendi zodigree mouhaku. Gonomvhura 30, katente asi simpe gakara hena nonzapo zina kulikida asi kwalirongera uhaku, ezi gagwana mevango lyokulirongera uhaku lyakara moOshakati.
Age ngarugana asi muhakuli, nye yiyo gatundiremo ayatwikire elirongo lyendi mokuyakara asi muhakuli gokusikiliramo. Kulironga kwakere sininke sosidigu, nye ame kwalituliremo nelironge unene. Ame kwakere nahara kulironga motumbunga ntani nahepa kutjanga nkenye eyi vana kuturonga mombapira zange. “Ame kwakere ninalituramo, nikare mudamiki ntani murugani gomunene nokuresa siruwo nasinye nokukanderera yipo nayina nina kara nye gumwe nina hafa morwa kuna gwana Cum Laude” ngwendi nyame ngesi noruhafo.
Age katente asi simpe kwagwanekera nomaudigu monzira zendi, ngwendi kupira mararo, age kwakere takafutiraevango lyokurara koOshakati. Ntani kwapita moudigu mokugwana yimaliva yokosure. Ntani Laborary moOshakati kapi zakara nanayinye gahepa murongwa, nye age kwalituliremo nampili ngomu gakere asi kuna kunana noudigu. Age mokuhulisa katente asi mvhura ozo zina kuwiza simpe tatengura kosure aka manese elirongo lyendi omu ana hara kugwana Master Degree.

LEAVE A REPLY

Please enter your comment!
Please enter your name here