mugazarerwa asi kwadipaga moRundu kavamuslikire kulifutira

2
11

RUNDU

Mugara gonomvhura 38, kavakwete mo0kumugazarera asi yige gadipaga munangesefa kadi gomoRundu,
Sarah Malima, kakamonekere kompanguro pausupi, komuhahende. Malima kavamugwene ana fu, moutano wapita morukanda lya- Sauyemwa, nomfa edi kadi kere asi donondona kadi tukukisire vatungimo modoropa zaRundu. Novatungimo nye vana kupura asi yinke nawa nawa yina kara movantu vetu. Malima kwakara nositora ava tumbura
asi Boutique esi asi randesa yidwara youzuni wantani nayimwe ngoso mekuma lyepe lyakara modoropa.

Vaporosi awo kuna kugazarera asi Malima, gonomvhura 38, kwamudipaga moune lise utano ndi monongura doutano. Rutu rwendi runa kara moomu vamureta kwayarugwene mumbyendi gona gumwe
moutano ngurangura. Mugazarerwa kumutumbura asi Augustine Mangundu Neto, morwa kuna kulikida
asi yige gumwe gokuhulilira kumona muntu ogu pevango lyendi ano gokukwamako kwakagwana tupu nye simpu saMalima. Ntani Neto kwakere mumati gwa Malima. Vanona vakara kumwe nanakufa kavazuvire evero lina kuhagara namo peke ntani eyi kavazuvire kapi vayizuvha rumwe, yimo ana kutanta gumwe. Mangundu kakamonekere komupanguli Barry Mufana ano muhahende N.Amadhila age kakarerepo epangero.

Kapi kava mupere asi alifutire morwa mukara nye gosihorokwa sangesi ngomudona. Ekona kono lyovaporosi kuna kutwima, yipo asi mugazarerwa gahazonagwisa ekona kono lyawo. Nampili ngomu asi vana musilike kukara ponze hawe simpe kavamupere mauzera asi ngapi unankondo wendi, asi nzira musinke nakwama yipo aturemo ehundiro
nsene asi ana hara kukara ponze.

Mpanguro simpe ngazikatwikira mwa Siwogedi 9, 2015.

LEAVE A REPLY

Please enter your comment!
Please enter your name here