Ombangane Stanley wai!

0
15

I Alvine Kapitako

 

OTJOMUISE – Ludwig Kanduketu Stanley, 85,  omurumendu mo 1960 nguavatera operesidenda ondenga ya Namibia, Sam Nujoma, okutaura mehi moruveze indo ndari o South West Africa tjemurondisa metemba re, Osondaha otjatiririre mOnamiti muno.

Omusia wa Stanley, Ruvara Katjiteo, ngua hungiririrepo otjikutu wayauzire kutja omuyaruke watire ape tjimaitono oine etukuhuka ya Sondaha okuza nokukondja nouzeu mombendukiro ye ndjatjitua mbuayetua iyokuwa orumbembera ombura indji. Stanley wawa orumbembera mu Suramazeva tjiyari 29 mo Mau mOtjauana nautukisiwa mondera okuye kupangerua mOtjomuise otja keraa rohoromende ya Namibia. Mo mayandero wa Ndengani onamiti otjiyemuesa nu mu Seninani ayaruka mo rukuao monamiti mekara aepangua nganduu kondiro ye o Sondaha rukuru tjimapetji, Katjiteo watjere nao Osondoha.

Stanley waihe omunene nguari Omuiingirisa, wakuatua mu Rozondu tjiyari 8 mo 1928 mOtjomuise. Wekurira mOmbujomumbonde mOresevate ya Kakarara. Nozombura o 15 eye wakongorera ihe nguatjindira kOtjauana posia akotoka ko Namibia okuyekurikuta kotjirata tjomuyaruke Ombara Hosea Kutako otjomuhindua we. Orupa rua Stanley mokuvatera Nujoma okutaura mehi ruatjita kutja oporise yOhoromende yOmbangu yoruveze indo imuhumise. ™Ete tuaihamisiwa iyomairo we mena rokutja pena ovingi ete mbiatjatuvanga okurihonga kuye. Eye wari omburo yomakuruhungi. Tjatie okutjita otjina kaazako kutjo nganduu tjetjimana. Neye wetuhongere nao. Wari omundu omuhirona tjinene natjihe tjatua ko eke eetjisora, wari omuungure omutue neye kaazako kotjina tjatie okuungura. Okupandjara omundu wondengu indjo tjiri otjiihamise,∫ Katjiteo watja.

Stanley waseko oserekaze ye, Claudia, ovanatje hambombari novanatje vovanatje 26.

LEAVE A REPLY

Please enter your comment!
Please enter your name here