Khoen ge Tobias Hainyeko ║Hûi!nâ╪haris !nâ go ׀oa

0
44

╪GUI SHIBINDI TSÎ ╪NAUMÂI-OMDI HÎA TOBIAS HAINYEKO ║HÛI!NÂ╪HARIS !N HÂDI GE KHOEN HÎA ׀GAPI ║AN║GUIGU !N ║AN HÂN XA A ׀HONKHOE-AIHE. NĒN GE KHOEN HÎA ╪KHARI !ĀS, KLEINNE KUPPES TSÎ NAU H ׀GAPI ║AN║GUIGU !N ║AN HÂNA.

New Erab ╪hôare-aos Alvine Kapitakos ge Zulu Shitongenib, Tobias Hainyeko ║Hûi!nâ╪haris ╪Gī╪gosi ╪Gae╪gui-aob ׀kha ║gam║are-e ge ūhâ i. ║Îb ge nē !haros !nâ 2008║î kuriba xu ╪nôa. ║Gam║ares ge mâsigu tsî !gomsin nē ║hûi!nâ╪haris ╪namipe hân xa gere !gû. Nēs ge ║îs ׀Khomas ׀Kharib !nâ hoadi xa a kai ║hûi!nâ╪harisa.

 

NE: Mâti kō khoena sa ║hûi!nâ╪haris !nâ ­║an hâ tsî mâna a dana ╪hâsi Tobias Hainyeko ║Hûi!nâ╪haris !nâ ║an hâ khoen dina?

ZS: “║Nāpan ge 45 800 khoena Tobias Hainyeko ║Hûi!nâ╪haris !nâ ║an hâ. Sida ge ╪hâsib sekondere skol-i tsî ׀ae║gâu-i diba ūhâ. Nau hâ ╪hâsib ge ║an!khain diba nēpan ge khoena ╪naumâisa omkhorodi !nâ Tobias Hainyeko ║Hûi!nâ╪haris !nâ ra hâ tsîb ge ║nā-amaga kai !gomsib ╪âu׀oa hâ ׀nōb !nâ hâ omn diba nēpa hâ.”

NE: ║Nāpab ge hoa!nâ-aixa ╪gom ׀gauba khoen ║aegu hâ ║hûi!nâ╪haridi ╪gi╪go mâisan ra ║hûi!nâ╪haridi hîan ra ╪gom!gâ-aihe ║hûidi !nâde ║hûis ║aeb ga mâtoa o ׀gui sarisa. Mâtits nē ╪âi׀gaub ╪namipe sa beros tsî sa ׀hûhâsib khoen ║aega hâ !gae║ares tsî sîsen׀haosa xoa!ā ║khā?

ZS: “Sida ge kaise a ׀gūgu. Sats ge tsēkorobets nē beros tawa nî ׀khī ║aeb hoaba khoena nēpa nî ׀hao-ū, khoen hîa tita ׀awemā-aota tsîna ra ׀awemāse khoen omkhâisens ׀kha !gae║aresa ūhâ ║hōn ╪namipe. Tit age kaise ╪uru tsî ׀gūgu sîsen║areba ti khoen ׀kha ūhâ omkhâisens tsî ║hōn ║îna ra tsâ׀khān ╪namipe. ║Khātin ge ║îna ╪gō╪gae tsî ║khowa-amsa mûdi ׀kha ra hâma tsî !haese ra ╪gō׀au te ti tsēkorobe sîsenni ׀khara ׀khāb ║ga ra ║numisen tin kara mûo, tsî ta ge tita ║nā mînubahede hoa║ae ū!oa tsî dī-ūnu ║khā ta apa ra dī-ūnu.”

NE: Mâ projeknats ge ╪gâxa-ū ׀awemā-aosets ge ║hûihes khao!gâ?

ZS: “Sida ge ׀hûhâsib pere║gan!khaiba ge xoa║gui, xawe da ge !hū!â-e ūhâ tama hâ tsîb ge nē ╪âi׀gauba noxopa ╪haweb ai ׀gui mâ. Noxopa da ge !hū!â-i tsîna ra ôa !khau║nuib ║ai!khaiba ׀hûhâsib dise oms !aroma. ║Khāti da ge hō╪gāsa hōs !aroma aitsama sîsen╪nuwibasens projeks tsîna ūhâ, ai║gause khoen hîa kapanana ra ║amaxun, auto ║ā!khaidi tsî ║nān hîa ׀nî hâ xūna ra kurun tsîn N$50 000 kōse hâ marisa a ׀khuwi ║khāse. Nē khoen ga nē ׀khuwimarisa mā-oas ║khāsib !nâ sī hâ ║oa, o da ge ׀nî ׀gauga ūhâ naun hîa ra ╪harugutsoatsoa ╪gaona hui!nâs !aroma. Nē kurib !nâ da ge nē projeksa xu 27 khoena ra hui. Tita ge nē ╪haris !nâ ׀awemā-aose a tsoatsoa, o gu ge !hū daogu ׀guiga ge hâ i, xawe-i ge nē ta ra !hoa ║aeb ai 85%gu Tobias Hainyeko ║Hûi!nâ╪haris diga a tersa, !gōsase dana daoba. Sats ge tsara-e nēpa !aru׀î mû tide. ║Khaisa tamas ka io disi׀gui׀a kilometergu !nūsiba !khō╪gā hâ !âb ׀guib ge Omuvapu !Ganni !nâ noxopa nî terhese ī, tsîs ge tendersa nē !harib ai ׀nai a mā╪uisa nē sîsenna nē kurib !nâ tamas ka io !goaxa kurib !nâ ters ase.”

NE: Nē ╪âi!nâ║guisa projekdi ga a tsoatsoa o mâti kō sîsenga nî ╪nuwihe sîsenosiba gowa׀îs ase? Tsî mâti kō marisa nî mā╪uihe nē projekdi ai?

ZS: “Sida ge ║aupexa 30 hâhâ nî sîsenga ׀hûhâsib pere║gan!khaib tawa nî ╪nuwi tsî 60 ║aerob sîsenga projeks di tsoatsoas tawa. ║Aupexa da ge N$5 miljunsa nēpa nî sîsenū. Nē maris ge !hū!âs, !hū!âsa !anubahe tsî ╪hâbasa xūna hā-ūbahes tsî sîsenūhe nî xūna !khō╪gā hâ.”

NE: Mâti di nē projekde nē ║hûi!nâ╪haris khoen di omkhâisens !nâ nî hui tsî ║în ûi׀gauga ׀khara׀khara?

ZS: “Hana di nē ׀awe║guisa projekde nî ama kais kara, on ge khoena nēpa xu !gâi!gâba nî ׀ama. Nēs ge sîsenga nî ╪nuwi tsî pere-e khoena ׀gūse nî hā-ūba !nūse pere-e ║ama!gûs ose. !Khau║nuib ║ai!khaib  tsîn ge sîsenga ti khoena nî mā tsî ׀gâsib nē xā╪gā nî hâba nî ׀oro׀oro.׀Gôan ge Xrat 7’s ׀khan ga toa, o ׀gapi skolgu ║ga īs !aroma tsēs hoasa ī║khāsib kara hâo !gae-autode ra mātare, ׀naib ║khāsiba a ╪khawusa hîa.”

NE: Mâ ׀nî hâ projekn tsîna noxopa a ╪âi!nâ║guisa sa ╪haris !nâ tsî marina hân a nē ׀awe║guisa projekde ╪nā║nâ kais !aroma?

“Hui!nâs maridi ge ׀nai dītoasase ║goe, sida ge projekn ׀guin ׀kha nî ╪oaxa. ╪Gae╪guis !nâ mâ ╪hanub ׀kha da ge sida ║hûi!nâ╪haris ╪hâsiga nî ׀goragu tsî tā ║în nî sida hā tsî mîma tsēsa nî !âu╪nû.”

NE: Mâna a hoa!nâ-aixa !gomsi sa ╪haris khoen ra hō!âna tsî satsa ׀awemā-aots ase mâ oresats ge hā-ū?

ZS:!Gomsib nēpa ׀gaisase hâb ge sîsenosiba tsî ׀gam║îse HIV xoxorosa tani hâ khoena. ║nāpa xu ra saon ge ׀ubu׀hubusenxūn tsî ╪auxûiba hî׀hurus, tsî ╪khuwib tsîna.

 

LEAVE A REPLY

Please enter your comment!
Please enter your name here