Ku abelwa kwa bana ba ba na ni ka kokwani ka HIV

0
35

Muňoli: Alvine Kapitako

Windhoek- Mali a likana N$4.5 million na filwe kwa li sebelezo za kutusa  bana ba banca ba ba pila ni ka kokwani  ka HIV mwa likiliti za bo Khomas, Oshana, Ohangwena, Oshikoto, Omusati, Hardap Ni Kavango West.

Musebezi  yoo u kanga lilimo ze peli mi u ka fumana lituso za yona ku zwelela ku ba European Union, mi ba positive vibes ni ba Lifeline/childline ba kaba balikani.  Batu ba ba pila ni butuku bwa HIV/AIDS ba kafumana lituso za bona.

Ku bulelwa kuli bana ba banca baba likana 16000 ba pila ni ka kokwani ka HIV  mi palo yee i kulubelwa kuyekeza ka silimo sa 2015 kuya fa 20.000, ka kuya ka mubulelelo wa yo muhulu wa Positive Vibes mutopehi Casper Erichsen,  ba European Union ni ba Lifeline/Childline.

Buňata bwa banana neba pepilwe ni butuku bwa bwa HIV mi ba tokwa lituso kuli ba pile bupilo bo bu lukuluhile.

Musebezi yoo u kabe ubile wa makopanelo ni ba beleki  ba makete, mi mutomo ki wa ku tusa ni kufa maata ku babanca  kuli ba kone ku iponda mwa misebezi ya sicaba, kubulela yo muhlu yana yetelezi  lindumeleti  za ba European Union mutopehi  Raύl Fuentes Milani.

Fuentes Milani  na fitisize maikuto a hae a kuli ta ba ya ketululo ya batu baba pila ni ka kokwani ka HIV mwa Namibia i ka feliswa mwa hala a ba banca ba bapila ni kakokwani  ka HIV.

LEAVE A REPLY

Please enter your comment!
Please enter your name here