Lld Diamonds Kazitjidire Varugani Vazo 153

0
14

Mo Venduka

Simpagwa sosidona sina horoka, omu varugani wokampani zokuteta kawe LLD kazihagekesere varugani vazo wokusika ko 153.

Mukuronagendesi kampani ezi Kombadayetu Kapwanga, kayi nkondo pekere eyi kosayitunga za New Era. Yousili vana vatjida nye mpito simpe kozili zokutarurura etokoro lyokampani.

Yimo ana kutanta Kapwanga.

Varugani ava kava vapere nombapira diviso de pisuro edi katwere mugavi mbudi gokohofa ku pitira mo (MUN) momandaha ganapu.

Kampani kazigusirepo elikwamo lyepisuro eli vatulirepo asi ngano likare moune nomoutano wapita ano momandaha yiyo kavageve nombapira kovarugani ava 153 asi awo kapisi varugani wokampani ezi hena.

Eyi kayikweme morwa varugani kuna nyoka kuza koyirugana kutunda mo 19 Pembagona dogoro ngesi. Awo kuna kutanta asi kapi ava vatekura nawa, kuvaninkiliramo eyi yiyo yaninkisa varugane ngesi.

Varugani ava vana kurara ngesi ponze pepi tupu nokampani ezi kapi vana kutanta asi nava kalihenga ketokoro eli ndi hawe. Ntani hamutjanga gwa MUN Bro Joseph Hengari, kava mutente asi age ana lituramo mokukondja asi vagwane ekohononopo lyoudigu ou.

LEAVE A REPLY

Please enter your comment!
Please enter your name here