Rukanda Rwa Hochland Karukere Moruteni

0
9

MoVenduka

Nopayiu mbali edi kadi tekere morukanda rwa Hochland kadininkisire vatungi mo vamone kanyando. Awo kava kere ure wo wono vili 20 vahana kumona mema. Ndango zoSitata kavayinkondopekere asi yousili nomulihu mbali kadi tomokere zimwe zoko sitarata sa Robin Road ano ezi zimwe kositarara sa Kingfisher. Vantu owo kayigumine yo mema gawo kagakere taga piti nakauke. Nye yiyo kagaya hege konyima tupu zosiruwo.

Awo kava kere vahana mema dogoro mandaha ngura-ngura. Ava ava gwana mema kupitira momulihu gwa Kingfisher kava kere kutunda mo vili 18 zomapeu dogoro 10h00 ngura-ngua zomandaha. Apa yakara nare nsene guna tauka muliu kapi ayi kwato siruwo.Eyi kuna kumoneka asi kapi kava kereko vantu vana kukeverera evango eli yimo ana kutanta Tabby Moyo mutungi gumwe gorukanda oro. Age katente asi vamwe vatungimo vahepa kuza konomberewa oku ava rugana vakalivatere. Yousili eyi ava tanta asi mema eparu, konyima tupu zonovili dongandi vantu nare vana tameke kudukagana vapapare mema. Kapi tuna kuvhura kutereka nondja, ose kapi katuterekere momapeu. Mema aga katukere nago gokutunda tupu mo Geyser ago kuzwida poto gumwe tupu. Kapi katu zire kongereka, morwa kwato mema go kulikuwa, yimo ana kutanta gumwe ana pilire kuhara kumutumbura edina lyendi. Ndangi Katoma, murugani kondango zodoropa katente asi sirugana esi kuna kwata siruwo morwa nomulihu edi dononene yido hena adi gava mema korukanda rwina. Varugani tanko vahepa kusitopa mema gena komeho vatameke noyirugana yokuwapukurura. Nomulihu odo danare, ngesi kuna kara nomvhura 20 dahana kugava udigu. Ngesi kuna kumoneka asi ntudi turuganeko yuma yimo ana kutanta Katoma. Mvhura ezi zina pu ndango zositata kwatulire ntere nomiliyu zono na N$5 dokuwapukwirwisa sinano sinasiki ko 17km modoropa. Ano ezi N$1.2 miliyuna kwazitulire asi zoyihorokwa eyi vana pilire kundindira, yimwe ngwendi yoyo yokutauka nomuliu.

LEAVE A REPLY

Please enter your comment!
Please enter your name here