Oruhere rOvikuki nozOmboroto Marwiisakewa Otjitjamurongo

0
16

I Kuvee Kangueehi

OTJOMUISE

Opresidenda Hifikepunye Pohamba Oritjavari watjivisire kutja kapena kukara otjitjamurongo tjomakunde, omaze wokutereka nomaze nakomboroto noruhere rovikuki otjongondjero yokupupaparisa ouzeu mombwiko ovature mbuvemuna.

Itji matjihee kutja ovature mbeungurisa ovikurya imbi kavena kusuta otjitjamurongo tjivesuta tjimaveranda voikurya imbi tjondengu yozoperesende o 15 zoprysa yavyo Ondjuwo yOzoveta tjiyazu nokurundurura Oveta yOtjitjamurongo Otjiweziva kOndengu yo 2000.

Omatjivisiro inga ya kongorere ombongarero oitjavari yokomiti yapeke yo Cabineta ndjahungiririre kotjina ihi oupapi nouparanga Oritjavari ndazuko.
Pombongarero tjingeyo o Cabinbeta wina yatiere okuyandja omasa kotjiungura tjorutu romahurusisiro womariro womahundju okuparangisa omahandjauriro wawo mehi arihe.

Watjere omukambo imbwi kauna kusuverisa omahundju kovandu otjotjikurya uriri nungwari wina mauyandja ovitunge vyorutu imbi o protein, nu nao atjinyomona ovitunge vyorutu vyotjiwana.

O Cabineta wina yakutire okutandavarisa omayandjero wovikurya kozonganda zomahongero kovahongwa orurama momahi wokozombanda namomaturiro waimba mbehahupu nawa movihuro.

Eye wina waningirire o Ministeri yOmapimbasaneno wOvirandua nOzongetjeva okunangera ko imba vozostora otjo kuvepomasa okwiisako otjitjamurongo kovikurya mbyaheewa nokutizira kehi ozoprofita zao.
Wina o Cabineta yeripurire kutja ohoromende yasere okupaha nohakahana omyano vyo kunyomona omaunguriro wovikurya mehi.

“Ihi ohepero tjinene mena rokutja omayerurukiro wozoprysa zovikurya yaninikiza kutja omahi ngeungura ovikurya mbiza povikokotua yetjaera omarandisiro wovukurya imbi pendje nu munao omamunikiro wovikurya imbi mouye otjiya henunuka,” Opresidenda yatjere.

LEAVE A REPLY

Please enter your comment!
Please enter your name here